(વર્તમાન પ્રવાહ ન્યુઝ નેટવર્ક)
સેલવાસ, તા.25
સમગ્ર શિક્ષા દાદરા નગર હવેલી દ્વારા સરકારી હાઇસ્કુલ ઈંગ્લીશ મીડીયમ ટોકારખાડામા વિશિષ્ટ આવશ્યકતાવાળા બાળકો અને એમના વાલીઓ માટે એનવાયરમેંટ બિલ્ડીંગ પ્રોગ્રામનું આયોજન કરવામા આવ્યું હતું. જેનો ઉદેશ્ય વિશેષ આવશ્યકતાવાળા બાળકોને સમગ્ર શિક્ષાથી મળનાર પ્રાવધાનો અંગે અવગતકરાવવું અને દિવ્યાંગતાની ઓળખ કેવી રીતે કરવી કાર્યક્રમનો શુભારંભ સહાયક રાજ્ય પરિયોજના નિર્દેશક સમગ્ર શિક્ષા શ્રી પરિતોષ શુક્લા અને શિક્ષણ અધિકારી શ્રી બળવંત પાટીલના હસ્તે દીપ પ્રાગટય કરી કરવામા આવ્યો હતો.
કાર્યક્રમના મુખ્ય વક્તા ડીડીઆરસી અધીક્ષક ડો.જ્યોતિર્મયે દિવ્યાંગતાની ઓળખ જલ્દીથી જલ્દી કેવી રીતે કરી શકાય અને ડીડીઆરસીમા ઉપલબ્ધ સેવાઓ અંગે વિસ્તળત જાણકારી આપી હતી. શ્રી રાજેન્દ્ર મોહિલેએ વિશિષ્ટ આવશ્યકતાવાળા બાળકોને સમગ્ર શિક્ષા દ્વારા મળતા પ્રાવધાનો અંગે અવગત કર્યા હતા. આ કાર્યક્રમમાં વાલીઓ અને શિક્ષકો ઉપસ્થિત રહ્યા હતા.