મોટી દમણ નાયલા પારડીના ગ્રાઉન્ડ ખાતે કબડ્ડી, વોલીબોલ, ટગ ઓફ વોર, દોડ જેવી સ્પર્ધાથી યુવાનોનું ખીલેલું કૌવત
(વર્તમાન પ્રવાહ ન્યુઝ નેટવર્ક)
દમણ, તા.15
દમણ નેહરુ યુવા કેન્દ્ર દ્વારા ફિટ ઈન્ડિયા અને ‘આઝાદી કા અમૃત મહોત્સવ’ની ઉજવણીના ઉપક્રમે બ્લોક લેવલ સ્પોર્ટસ મીટનું નાયલાપારડી ગ્રાઉન્ડમાં આયોજન કરવામાં આવ્યું હતું. જેમા દમણના યુવાનોએ ભાગ લીધો હતો. આ અવસરે બીડીઓ શ્રી પ્રેમજી મકવાણા, નેહરુ યુવા કેન્દ્રના સંયોજક શ્રી અનુપમ, આદિવાસી નેતા શ્રી ભાવિક હળપતિ વગેરે ઉપસ્થિત રહ્યા હતા.
જે દરમિયાન વિવિધ સ્પર્ધામાં કબડ્ડી 8 ટીમો, વોલીબોલ 7 ટીમો, ટગ ઓફ વોર 8 ટીમો, 100 મીટર દોડ 48ખેલાડીઓએ ઉત્સાહભેર ભાગ લીધો હતો.
