(વર્તમાન પ્રવાહ ન્યુઝ નેટવર્ક)
દમણ, તા.31: કચીગામ ગ્રામ પંચાયત ખાતે ગઈકાલે રવિવારે ‘આઝાદીના અમૃત મહોત્સવ’ અંતર્ગત દેશના લોખંડી પુરૂષ સરદાર વલ્લભભાઈ પટેલની જન્મજયંતિના ઉપલક્ષમાં રાષ્ટ્રીય એકતા દિવસની ઉજવણીના ભાગરૂપે પંચાયતના તમામ 8 વોર્ડમાં ‘ફીટ ઈન્ડિયા ફ્રીડમ રન 3.0′ મુજબ ‘રન ફોર યુનિટિ’નું આયોજન કરવામાં આવ્યું હતું. આ દોડમાં દરેક વોર્ડના ગ્રામજનોએ મોટી સંખ્યામાં ઉત્સાહથી ભાગ લીધો હતો. આ પહેલાં ‘ફીટ ઈન્ડિયા રન’ની શરૂઆત રાષ્ટ્રીય એકતા દિવસની શપથ લઈને કરવામાં આવી હતી. આ દરમિયાન કચીગામ ગ્રામ પંચાયતના સરપંચ શ્રી ભરતભાઈ પટેલ, પંચાયત સેક્રેટરી શ્રી શિવાંગ પટેલ, ગ્રામ પંચાયતના તમામ વોર્ડના ચૂંટાયેલા સભ્યો, પંચાયતનો સ્ટાફ તેમજ ગ્રામજનો ઉપસ્થિત રહ્યા હતા.