(વર્તમાન પ્રવાહ ન્યુઝ નેટવર્ક)
દીવ, તા.19
દમણ-દીવ જિલ્લા બાળ સુરક્ષા એકમે એક અખબારી યાદીમાં નિરાધાર બાળકો અંગે જાણ કરવા જાહેર જનતાને કરેલી અપીલ કરી છે.
પ્રાપ્ત માહિતી અનુસાર જિલ્લા બાળ સુરક્ષા એકમ-દમણ અને દીવ દ્વારા જાહેર જનતાને અપીલ કરવામાં આવે છે કે, આપના નજીકના વિસ્તારમાં કોઈ પણ બાળક જો શેરીમાં કોઈની પણ સહાય વિના એકલું રહેતું હોય અથવા બાળક કે જે દિવસ દરમિયાન શેરી અથવા રસ્તામાં એકલું રહેતું હોય અને રાત્રીના સમય દરમિયાન પરિવાર સાથે તેના ઘરે ઝુંપડીમાં પરત ચાલી જતું હોય અથવા કોઈ પણ બાળક કે જે પરિવાર સાથે રસ્તા પર રહેતું હોય તો આવા બાળકના કલ્યાણ માટે અચૂક પણે જિલ્લા બાળ સુરક્ષા એકમ-દમણ, બ્લોક-સી, જિલ્લા કોર્ટ પરિસર, ફોર્ટ એરિયા, મોટી દમણ અને જિલ્લા બાળ સુરક્ષા એકમ-દીવ, પહેલો માળ, આર.ટી.ઓ. ઓફિસ, કલેક્ટર કચેરી પરિસર, દીવ અથવા 24×7 કલાક કાર્યરત ચાઈલ્ડ હેલ્પલાઇન નંબર – 1098 ઉપર જાણ કરવા જણાવાયું છે.
