(વર્તમાન પ્રવાહ ન્યુઝ નેટવર્ક)
સેલવાસ, તા.19
દાદરા નગર હવેલીના સાયલી પંચાયતમાં ગ્રામ પંચાયત વિકાસ યોજના વર્ષ 2022-23ની કાર્ય યોજના બનાવવા માટે સરપંચની અધ્યક્ષતામાં ગ્રામસભાનું આયોજન કરવામા આવ્યુ હતું. જેમાં સબકી યોજના સબકા વિકાસ સૂત્રને અનુલક્ષીને વિવિધ વિકાસના કામો જેવા કે પાણી, રોડ, લાઈટ, ગટર, સ્વચ્છતા, શિક્ષણ, સ્વાસ્થ્ય, રમત ગમત, રોજગાર જેવા મુખ્ય મુદ્દાના કામોને બહાલી આપી હતી. ત્યારબાદમાં કોવીડ-19ને લઇ રસીકરણનો બીજો ડોઝ અને 15થી 18વર્ષના બાળકો માટે વેક્સીન લેવા માટે ગ્રામજનોને જાગળત કરવામા આવ્યા હતા.
આ અવસરે સરપંચ કુંતાબેન વરઠા, જી.પં.સભ્ય શ્રી પ્રવીણભાઈપટેલ, પંચાયતના સભ્યો, અધિકારીઓ સહિત મોટી સંખ્યામાં ગ્રામજનો ઉપસ્થિત રહ્યા હતા.
