(વર્તમાન પ્રવાહ વાપી બ્યુરો) વાપી, તા.16
વાપી ટાઉન પોલીસ સ્ટેશનમાં મંગળવારની વિતેલી રાતમાં પ્રોહિબિશનમહિલા આરોપીને ગળે દુપટ્ટાથી ફાંસો ખાઈ આત્મહત્યા કરી લેતા પોલીસ વિભાગમાં હડકંપ મચી જવા પામ્યો હતો.
વાપી ટાઉન પોલીસ સ્ટેશનમાં પ્રોહિબિશનની મહિલા આરોપીએ મંગળવારે રાત્રે ગળે દુપટ્ટો બાંધી આત્મહત્યા કરી હતી. પ્રોહિબિશનના ગુના અંતર્ગત મહિલાને લોકઅપમાં રાખવામાં આવી હતી. પરંતુ કોઈ અગમ્ય કારણોસર શંકાસ્પદ સ્થિતિમાં મહિલાએ આત્મહત્યા કર્યાની મોટી ઘટના પોલીસ સ્ટેશનમાં જ ઘટી હતી. ઘટનાની જાણ થતા જ રાત્રેજ જિલ્લા પોલીસ વડા, પ્રાંત અધિકારીઓ, એસ.ઓ.જી. સહિતના ઉચ્ચ અધિકારીઓનો કાફલો ઘસી આવ્યો હતો. ઉચ્ચ સ્તરીય તપાસ આરંભી હતી.
ઉલ્લેખનીય છે કે, મહિલાની પ્રોહિબિશનના ગુનાઓમાં અગાઉ પણ ધરપકડ થયેલી હતી. આત્મહત્યાનું અંતિમ પગલું મહિલાએ કેમ ભર્યુ? એ તપાસને અંતે જાણી શકાશે હાલ પોલીસ ખુદ પ્રશ્નાર્થ બની ચૂકી છે.
