દમણ ન.પા. દ્વારા સોમ અને મંગળવારે મોટી દમણ અને નાની દમણ વિસ્તારમાં શરૂ કરેલા સ્વચ્છતા અભિયાન અંતર્ગત જાહેરમાં કચરો નાંખવા બદલ રર1 પાસેથી વસૂલ કરાયેલો રૂા.1પ હજારનો દંડ
(વર્તમાન પ્રવાહ ન્યુઝ નેટવર્ક) દમણ, તા.રર
દમણ નગર પાલિકા દ્વારા 21મી અને 22મી ફેબ્રુઆરીના રોજ મોટી દમણ વિસ્તાર, મીટનાવડ, ખારીવાડ, બસ સ્ટેન્ડ, દિલીપ નગર, નારાયણ પાર્ક અને દેવકા રોડ પર રસ્તાઓની સાથે અને ખાલી પ્લોટ અને અન્ય ખાલી જગ્યાઓ પર પ્લાસ્ટિક કચરો/કચરો સાફ કરવા અંગેની ઝુંબેશ શરૂ કરવામાંઆવી હતી.
જે દરમિયાન આસપાસના વિસ્તારમાં સ્વચ્છતા જાળવવા સ્થાનિક લોકો અને દુકાનદારોને પણ જાગળત કરવામાં આવ્યા હતા. જાહેરમાં કચરો નાંખવા બદલ કુલ રર1 પાસેથી રૂા.15000 જેટલો દંડ વસૂલવામાં આવ્યો હતો.
દમણ નગર વિસ્તારને સંપૂર્ણ કચરામુક્ત અને સિંગલ યુઝ પ્લાસ્ટિક ફ્રી બનાવવા માટે આગામી દિવસોમાં આ જ પ્રકારના અભિયાન વિવિધ વોર્ડમાં અન્ય વિસ્તારોમાં પણ ચાલુ રહેશે. રહેવાસીઓ અને વેપારી સંસ્થાઓને પણ આ અભિયાનમાં ભાગ લેવા દમણ નગર પાલિકા દ્વારા અપીલ કરવામાં આવી છે.
