રિશુ તિવારી ઉ.વ.15 બાળકો સાથે ઝઘડતો હતો તેથી માતાએ ઠપકો આપ્યો હતો
(વર્તમાન પ્રવાહ વાપી બ્યુરો)
વાપી, તા.19: વાપી નૂતનનગરમાં આવેલ મુરલીધર સોસાયટી-બી બિલ્ડિંગમાં રહેતો 15 વર્ષિયકિશોર માતાએ ઠપકો આપતા ગત સોમવારના રોજ ઘરેથી ચાલી જતા સમગ્ર વિસ્તારમાં ચકચાર મચી જવા પામી હતી.
વાપી નૂતનનગર મુરલીધર સોસાયટી-બી બિલ્ડિંગ ફલેટ નં.205 માં રહેતા જીતેન્દ્ર તિવારીનો પૂત્ર રિશુ તિવારી સોમવારે ઘરેથી ચાલી ગયો હતો. જેમાં બન્યુ એવુ હતું કે રિશુ બાળકો સાથે ઝઘડો કરતો હતો તેથી માતાએ ઠપકો આપેલ. જેથી રિશુને માઠું લાગતા એકાએક કોઈને કહ્યા વગર ઘરેથી ક્યાંક ચાલી ગયો હતો. રાત સુધી રિશુ ઘરે નહિ આવતા પરિવારજનોએ શોધ કરી પણ મોડી રાત સુધી પરત નહી આવેલ તેથી ટાઉન પોલીસને જાણ કરવામાં આવી હતી. રિશુના પપ્પા જીતેન્દ્ર તિવારી ઘરે નહોતા, અયોધ્યા દર્શન કરવા નિકળેલા, ઘરે માતા અને બાળકો એકલા હતા તેથી ચિંતા વધી ગઈ હતી. શોધખોળ કરનાર અન્ય કોઈ નહોતું. બીજા દિવસે જલારામ સોસાયટીના એક સીસીટીવીમાં કિશોર રોડ ઉપર જતો દૃશ્યમાં દેખાયો હતો. અન્ય સીસીટીવીની તપાસ કરી આગળની તપાસ પોલીસે હાથ ધરી છે.
ત્રણ દિવસ પસાર થયા છતાં રિશુ તિવારી મળી આવેલ નથી. માહિતી મળે તો ટાઉન પોલીસને જણાવવા જાહેર વિનંતિ કરાઈ છે.
