(વર્તમાન પ્રવાહ ન્યુઝ નેટવર્ક) સેલવાસ, તા.30
દાનહના ખડોલી ગામે આવેલ સિદ્ધિ વિનાયક સ્ટીલ કંપની જેમાં સ્ટીલના ઈન્ગોટસ બનાવવામાં આવે છે. બીઆઈએસના અધિકારીને મળેલ માહિતીના આધારે આકંપની વગર લાયસન્સે જ ઈન્ગોટસ બનાવે છે.જેના આધારે સુરત બીઆઇએસના અધિકારી શ્રી સત્યેન્દ્ર પાંડે ભારતીય માનવ બ્યુરોની ટીમ અને પોલીસની ટીમ સાથે કંપની પર રેડ પાડી હતી. જ્યા ચકાસણી કરતા એમની પાસે કોઈપણ જાતનું લાયસન્સ નહી હતુ.
અધિકારીએ જીએસટીના કાગળો સહિત બીજા દસ્તાવેજો સાથે 175 નંગ ઈન્ગોટસ કબ્જે કરી શીલ કરવામા આવ્યા હતા. કંપની સંચાલક શુભમ ગોહિલ અને વૈભવ ગોહિલ સામે બીઆઈએસ 2016 એક્ટ અંતર્ગત કાયદેસરની કાર્યવાહી હાથ ધરી છે.
