પોલીસે બે બાઈકો સહિત રૂા.68,310 નો મુદ્દા માલ કબજે કર્યો
(વર્તમાન પ્રવાહ ન્યુઝ નેટવર્ક)
પારડી, તા.29: પારડી પોલીસ સ્ટેશનના પીઆઈ બી.જે. સરવૈયા આજરોજ પોતાના સ્ટાફ સાથે પારડી વિસ્તારમાં પેટ્રોલિંગમાં હતા. આ દરમિયાન હેડ કોન્સ્ટેબલ ઉમેશભાઈને રોહિણાના દામો ફળિયા ખાતે જુગાર રમતો હોવાની બાકી મળતા પારડી પોલીસે છાપો મારતા ખુલ્લી જગ્યામાં જુગાર રમતા 1.વનરાજ રમેશભાઈ નાયકા, 2.સુભાષ ભીમાભાઈ ધોડિયા પટેલ, 3. હરીશ ગુણવંતભાઈ ધોડિયા પટેલ, 4. હર્ષદ અમૃતભાઈ ધોડિયા પટેલ, 5. મુકેશ ઉર્ફે મુકુંદ, 6. કેસુર બાબુભાઈ ધોડિયા પટેલ અને 7. અરવિંદ પ્રભુભાઈ ધોડિયા પટેલ. આમ સાત જેટલા જુગારીઓને ઝડપી પાડી બે બાઈક કિંમત 50000, મોબાઈલ 3000 અને દાવ અને અંગઝડતીના 15220 મળી કુલ 68,310 રૂપિયાના મુદ્દામાલ કબજે લઈ તમામને જેલના હવાલે કરી દીધા હતા.
