દુર્ગા ડાયકેમ કંપનીમાં જીપીસીબીએ લીધેલા સેમ્પલમાં એફલ્યુએન્ટ માત્રા જણાઈ
(વર્તમાન પ્રવાહ વાપી બ્યુરો) વાપી, તા.13
વાપી જીઆઈડીસી ચાલીસ શેડ એરિયામાં કાર્યરત એક કેમીકલ કંપનીના જીપીસીબીએ એફલયુએન્ટના સેમ્પલ ચકાસણી બાદ જરૂરી માપદંડ નહી મળતા ગતરોજ ક્લોઝર નોટીસ ફટકારી હતી.
વાપી જી.આઈ.ડી.સી. ચાલીસ શેડ વિસ્તારમાં કાર્યરત દુર્ગા ડાયકેમ કંપનીમાં ગતરોજ જીપીસીબીએ કંપનીના રિલીઝ થઈ રહેલા એફલ્યુએન્ટના સેમ્પલ લીધા હતા. જેની ચકાસણી કર્યા બાદ એફલયુએન્ટના જરૂરી માપદંડ કરતા વધારે પ્રમાણ જણાતા જી.પી.સી.બી.એ. તાત્કાલિક કલોઝર નોટીસ ફટકારી હતી. જીપીસીબીની કાર્યવાહી બાદ અન્ય પ્રદુષણ ઓક્તાએકમોમાં ચર્ચા સાથે ફફડાટનું વાતાવરણ જોવા મળ્યું હતું.