નવલબેન ઝવેરી રોટરી કેન્સર કેર હોસ્પિટલનું ભૂમિપૂજન કરાયું
(વર્તમાન પ્રવાહ વાપી બ્યુરો) વાપી, તા.23
વાપી સહિતના વિસ્તારમાં એવરેજ કેન્સરના દર્દીઓ વધી રહ્યા છે. ઉપલક્ષમાં વાપીના ઉદ્યોગપતિ હરિયા રોટરી હોસ્પિટલમાં રૂા.1પ કરોડના ખર્ચે નવલબેન ઝવેરી માતૃશ્રીના સ્મરણાર્થે નવલબેન ઝવેરી રોટરી કેન્સર કેર હોસ્પિટલનું આજરોજ ખાતમુહૂર્ત કરવામાં આવ્યું હતું.
વાપી જી.આઈ.ડી.સી.ના સ્થાપના કાળથી એસ્ટેટ સાથે સંકળાયેલા મુંબઈ ઘાટકોપર રહેતા સતિષભાઈ ભોગીલાલ ઝવેરી(ઉ.વ.83) એ વાપી વિસ્તારમાં કેન્સરના દર્દીઓને સ્થાનિક ઉપચાર મળી રહે તેવા શુભ આશય સાથે 1પ કરોડના ખર્ચે હરિયા રોટરી હોસ્પિટલમાં કેન્સર હોસ્પિટલ બનાવશે. તેમના માતૃશ્રી સ્વ.નવલબેન ભોગીલાલ ઝવેરીના સ્મરણાર્થે હોસ્પિટલ ટૂક સમયમાંસાકાર થવા જઈ રહી છે તેનું ખાતમુહૂર્ત સંપન્ન થયું છે.
સરળ અને સાદગી વ્યક્તિત્વ ધરાવતા શ્રી સતિષભાઈ ઝવેરીએ અગાઉ હરિયા હોસ્પિટલમાં ર કરોડનું દાન આપી ચૂક્યા છે. કેન્સર હોસ્પિટલના સંચાલન માટે શ્રી સતિષભાઈ ઝવેરીની ટીમ સાથે ચાર સભ્યો જોડાશે. અગામી સમયે કેન્સરના દર્દીઓને સુરત-મુંબઈ સુધી લાંબા થવું નહી પડે તેમજ 45 દિવસમાં ઉપચાર થઈ શકશે.
