(વર્તમાન પ્રવાહ ન્યુઝ નેટવર્ક) દમણ,તા.01
કેન્દ્રમાં નરેન્દ્ર મોદીની સરકારના સફળતાપૂર્વક 8 વર્ષ પૂર્ણ થવા પર ભારતીય જનતા પાર્ટી 31 મે થી 14 જૂન સુધી દેશભરમાં દરરોજ વિવિધ કાર્યક્રમોના આયોજનો કરી રહી છે. આજે ભારતીય જનતા પાર્ટીના દાદરા નગર હવેલી અને દમણ દિવ પ્રદેશ ભાજપ અધ્યક્ષ શ્રી દિપેશ ટંડેલ અને પ્રદેશ ભાજપ પ્રભારી અને રાષ્ટ્રીય મંત્રી શ્રીમતી વિજયા રાહટકરના માર્ગદર્શન હેઠળ કિસાન મોરચા દ્વારા વૃક્ષ વિતરણનો કાર્યક્રમ યોજાયો હતો. દમણ જિલ્લામાં આજે વરકુંડ મંડળ અને મગરવાડા મંડળ તથા અન્ય વિસ્તારોમાં 300થી વધુ વૃક્ષોનું વિતરણ કરવામાં આવ્યું હતું. જેમાં મુખ્યત્વે આંબા, બેરી, સીતાફળ, લીંબુના વૃક્ષોનું વિતરણ કરવામાં આવ્યું હતું.
આજના કાર્યક્રમમાં રાજ્ય કિસાન મોરચાના ઉપપ્રમુખ શ્રી ધનસુખભાઈ પટેલ, દમણ જિલ્લા કિસાન મોરચા પ્રમુખ, રાજ્યમોરચા મંત્રી શ્રી જીગર પટેલ, જિલ્લા મોરચાના મહામંત્રી શ્રી જયેશભાઈ પટેલ, શ્રી કિરીટભાઈ દમણિયા, શ્રી રાજેશ કાંબલી, શ્રી અમિત ભંડેરી, ભાજપના કાર્યકરો શ્રી મહેન્દ્ર પટેલ, વરકુંડ જિલ્લા પંચાયતના સભ્યે સુનીતા બેન હળપતિ તથા જિલ્લા મોરચાના કાર્યકરો ઉપસ્થિત રહ્યા હતા.
