(વર્તમાન પ્રવાહ ન્યુઝ નેટવર્ક) દીવ, તા.12
દીવ નગરપાલિકાની સામાન્ય ચૂંટણી માટે મતદાન તારીખ અગામી તા.7મી જુલાઈના રોજ નિર્ધારિત કરાયું છે. આજે દીવ નગરપાલિકાની ચૂંટણીનું સમયપત્રક જાહેર થતાં જ રાજકીય સળવળાટ પણ વધવા પામ્યો છે.
આવતી કાલે ચૂંટણીનું જાહેરનામું પ્રસિદ્ધ થતાં સાથે જ ઉમેદવારી પત્રક ભરવાનો પણ આરંભ થશે. ઉમેદવારી પત્રક ભરવાની અંતિમ તારીખ 20મી જૂન, 2022ના રોજ નિર્ધારિત કરાઈ છે. ઉમેદવારી પત્રકની ચકાસણી 21મી જૂન, 2022 અને ઉમેદવારી પત્રક પરત ખેંચવાની અંતિમ તા.23મી જૂન, 2022 છે. જો ચૂંટણી શક્ય હશે તો મતદાન તારીખ 7મી જુલાઈ, 2022 અને મત ગણતરી 9મી જુલાઈ, 2022ના રોજ નિયત કરાઈ છે.
ચૂંટણીની જાહેરાતની સાથે જ દીવ નગરપાલિકા વિસ્તારમાં આદર્શ ચૂંટણી આચારસંહિતાનો પણ અમલ શરૂ થયો છે.
