(વર્તમાન પ્રવાહ ન્યુઝ નેટવર્ક) સેલવાસ, તા.19
કેન્દ્ર શાસિત પ્રદેશ દાદરા નગર હવેલીમાં આજે વાદળછાયા વાતાવરણ સાથે સારો એવો વરસાદ પડયો હતો. વરસાદને કારણે ખેડૂતોમાં ખુશીનો માહોલ જોવા મળ્યો હતો અને ડાંગર, જુવાર, નાગલી, કઠોળ વગેરેની વાવણીના કામમાં જોતરાઈ ગયા હતા. બીજી બાજુ વરસાદના કારણે સેલવાસના ગાયત્રી મંદિર મેદાન પર નગરપાલિકા દ્વારા જે શાકભાજીના વેપારીઓ માટે જગ્યા ફાળવવામાંઆવેલ છે ત્યાં કાદવકીચડનું સામ્રાજ્ય સર્જાવા પામ્યું છે જેના કારણે શાકભાજી વિક્રેતા અને ગ્રાહકો ગ્રાહકોમાં પણ ઉણપ જોવા મળી હતી. આજે સેલવાસમાં આખા દિવસ દરમ્યાન 6 એમ.એમ. વરસાદ પડયો હોવાની માહિતી હવામાન વિભાગની માહિતી જણાવે છે.
