પોલીસે વલસાડ હાઈવે ઉપર નાકાબંધી કરી ઈકો કાર નં.એમએચ 46 બીક્યુ 0247 માં ભાગી રહેલા લૂંટારૂને ઝડપ્યા
(વર્તમાન પ્રવાહ વાપી બ્યુરો)
વાપી, તા.03: સુરત ચલથાણ વિસ્તારમાં આજેરવિવારે વહેલી સવારે કરોડોના હિરા-રોકડ લઈને ઉભેલા આંગડીયા કર્મચારીઓ ઉપર ઘાતક હથિયારોથી હુમલો કરી પાંચ જેટલા લૂંટારૂ ઈકો કારમાં મુંબઈ તરફ ભાગી છુટયા હતા. સુરત પોલીસે જાહેર કરેલ એલર્ટ મુજબ વલસાડ હાઈવે ઉપર વલસાડ અને વાપી જીઆઈડીસી પોલીસે નાકાબંધી કરીને તમામ લૂંટારૂને ગણતરીના કલાકોમાં ઝડપી પાડયા હતા.
સુરત ચલથાણ-અમરોલી વિસ્તારમાં આંગડીયા કર્મચારી કરોડોના હિરા-રોકડ લઈને ઉભા હતા ત્યારે ઈકો કાર નં.એમએચ 46 બીક્યુમાં આવેલ પાંચ જેટલા લુંટારૂઓએ ઘાતક હથિયારો વડે હુમલો કરીને આંગડીયા કર્મચારીઓ પાસેથી કરોડોના હિરાનો જથ્થો લૂંટી ઈકો કારમાં ભાગી છૂટયા હતા. લૂંટની ઘટના બાદ સુરત પોલીસે નવસારી, વલસાડ પોલીસને એલર્ટ જાણ કરી નાકાબંધી કરાવી હતી. વલસાડ, વાપી જીઆઈડીસી પોલીસ એલ.સી.બી.એ. હાઈવે ઉપર નાકાબંધી કરીને લૂંટારૂઓને ઈકો કારમાં ઘાતક હથિયારો અને મુદ્દામાલ સાથે ઝડપી પાડયા હતા. ગણતરીના કલાકોમાં પોલીસે મોટી લૂંટના ગુનાનો ભેદ ઉકેલી તમામ આરોપીઓને સુરત પોલીસને સુપર કર્યા હતા.