(વર્તમાન પ્રવાહ ન્યુઝ નેટવર્ક) સેલવાસ, તા.19
દાદરા નગર હવેલીના રખોલી ગામે રહેતી યુવતીએ પિતા સાથે કોઈક કારણસર ઝઘડો થતાં પોતાના ઘરમાં જ ગળેફાંસો લગાવી આત્મહત્યા કરી હોવાની માહિતી મળી છે.
પ્રાપ્ત વિગત અનુસાર રખોલીની રહેવાસી સુશીલા રામજી તળિયા (ઉ.વ.20)નો એના પિતા સાથે શનિવારના રોજ કોઈક કારણસર ઝઘડો થયો હતો, જેને કારણે ખોટું લાગી આવતા શનિવારના રોજ સવારે પોતાના ઘરમાં જ ગળે ફાંસો લગાવી આત્મહત્યા કરી લીધી હતી. પરિવારના સભ્યોએ જ્યારે સુશીલાને ફાંસો ખાધેલી હાલતમાં લટકતી જોઈ તો તાત્કાલિક એને નીચે ઉતારવામાં આવી હતી, પરંતુ એ બચી શકી નહીં હતી. આ ઘટના અંગે પોલીસને જાણ કરતા પોલીસની ટીમ પહોંચી લાશનો કબ્જો લઈ પોસ્ટમોર્ટમ માટે સેલવાસની શ્રી વિનોબા ભાવે સિવિલ હોસ્પિટલમાં લઈ જવામાં આવી હતી. આ ઘટના અંગેની રખોલી પોલીસ દ્વારા ફરિયાદ નોંધી વધુ તપાસ હાથ ધરી છે.
Next Post