દીવ-દમણ ઓલિમ્પિક એસોસિએશનના પ્રમુખ મહેન્દ્ર કામલી અને બોક્સિંગ ફેડરેશન ઓફ ઈન્ડિયાના સેક્રેટરી જનરલના પ્રતિનિધિ ઈન્દ્રવદન નાણાંવટીના નેજા હેઠળ મળેલી મંજૂરી
(વર્તમાન પ્રવાહ ન્યુઝ નેટવર્ક) દમણ, તા.03
દમણના દીવ-દમણ ઓલિમ્પિક એસોસિએશન અને એડહોક કમિટી તથા બોક્સિંગ ફેડરેશન ઓફ ઈન્ડિયાના સેક્રેટરી જનરલના પ્રતિનિધિ શ્રી ઈન્દ્રવદન નાણાંવટી અને દીવ-દમણ ઓલિમ્પિક એસોસિએશનના પ્રમુખ શ્રી મહેન્દ્ર કામલીના નેજા હેઠળ ડી.ડી.ડી. એડવાન્સ બોક્સિંગ એસોસિએશનને મંજૂરી આપવામાં આવી હતી. જેના પ્રમુખ તરીકે શ્રી શિવમકુમાર કાંતિલાલ પટેલની વરણી કરવામાં આવે છે. જ્યારે જનરલ સેક્રેટર તરીકે શ્રી ભાવિક કે. પટેલ અને કોષાધ્યક્ષની જવાબદારી શ્રીમતી બિનિતા એમ. ભંડારીને સુપ્રત કરવામાં આવી છે.
ડી.ડી.ડી. એડવાન્સ બોક્સિંગ એસોસિએશનના કારોબારી સભ્યોમાં (1)શ્રી મનોજ ઝેડ. ભંડારી (2) ટીશા એસ. ભંડારી (3)શ્રી સંજય કે. પટેલ (4)રિયા એમ. પટેલ (5)ધ્વની વી. પટેલ(6)જાગૃતિ બી. ટંડેલ (7)શ્રી ધ્રુતિક આર. પટેલ (8)શ્રી રોનક સી. ભંડારી (9)શ્રી મિતેશ નાગી (દીવ) અને (10)શ્રી કેવિન કે. પટેલ (દાદરા નગર હવેલી)ની નિયુક્તિ કરવામાં આવી છે.
દમણનું ગૌરવઃ દમણના બે બોક્સરોની પાંચમી નેશનલ બોક્સિંગ ચેમ્પિયનશીપમાં પસંદગી
(વર્તમાન પ્રવાહ ન્યુઝ નેટવર્ક)દમણ, તા.03
દમણમાં ડી.ડી.ડી. એડવાન્સ બોક્સિંગ એસોસિએશનના બે બોક્સર (1)શ્રી અનુભવ પ્રધાન અને (2)શ્રી રાહુલ સિંઘનું પાંચમી મેન અને વુમન નેશનલ બોક્સિંગ ચેમ્પિયનશીપ-2022માં પસંદગી થતાં તેઓ આવતી કાલ તા.4-7-2022ના રોજ તામિલનાડુ જવા માટે રવાના થશે.
સમગ્ર પ્રદેશ માટેની આ ગૌરવપ્રદ ઘટના બદલ ડી.ડી.ડી. એડવાન્સ બોક્સિંગ એસોસિએશનના પ્રમુખ શ્રી શિવમકુમાર કાંતિલાલ પટેલ અને તેમની ટીમે શુભકામના પાઠવી હતી.
