ફોરેસ્ટ ગાર્ડ તરીકે 38 વર્ષ સુધી પુરી નિષ્ઠા અને પ્રમાણિકતાથી દામુભાઈ ધોડીએ બજાવેલી ફરજ
(વર્તમાન પ્રવાહ ન્યુઝ નેટવર્ક) દમણ, તા.03
સંઘપ્રદેશ પ્રશાસનમાં 38 વર્ષ જેટલી લાંબી નોકરી કર્યા બાદ વયમર્યાદાના કારણે ફોરેસ્ટ ગાર્ડના પદ ઉપરથીશનિવારે શ્રી દામુભાઈ જી. ધોડી સેવા નિવૃત્ત થયા હતા. તેમને રેંજ ફોરેસ્ટ ઓફિસર શ્રી કે.એસ.ગાયકવાડના નેતૃત્વમાં ભવ્ય વિદાયમાન આપવામાં આવ્યું હતું.
16 જાન્યુઆરી, 1984માં ગોવા દમણ અને દીવ સરકારના સમયે વન વિભાગમાં નિયુક્ત થયેલા શ્રી દામુભાઈ જી. ધોડીએ શરૂઆતમાં ગોવા અને ત્યારબાદ દમણમાં ફોરેસ્ટ ગાર્ડ તરીકેની પોતાની ફરજ નિષ્ઠા અને જવાબદારી સાથે બજાવી હતી. આ પ્રસંગે રેંજ ફોરેસ્ટ ઓફિસર શ્રી કે.એસ.ગાયકવાડે શ્રી દામુભાઈ જી. ધોડીની કાર્યનિષ્ઠાની પ્રશંસા કરી હતી અને શેષ જીવન નિરોગી અને પ્રવૃત્તિમય રહે એવી શુભકામના પણ પાઠવી હતી.
