ગ્રામસભામાં રાષ્ટ્રપતિ પદના ઉમેદવાર તરીકે દ્રૌપદી મુર્મુની વરણી કરવા બદલ એનડીએ અને પ્રધાનમંત્રી નરેન્દ્રભાઈ મોદીનો રજૂ કરાનારો આભાર પ્રસ્તાવ
(વર્તમાન પ્રવાહ ન્યુઝ નેટવર્ક) દમણ, તા.03
દમણ જિલ્લાની દમણવાડા ગ્રામ પંચાયત દ્વારા આવતી કાલે દેશના પ્રથમ આદિવાસી અને બીજા મહિલા રાષ્ટ્રપતિ તરીકે શ્રીમતી દ્રૌપદી મુર્મુની એનડીએ દ્વારા કરેલી વરણીને આવકારવા અને યશસ્વી પ્રધાનમંત્રી શ્રી નરેન્દ્રભાઈ મોદીએ રાષ્ટ્રમાં તમામ આદિવાસી સમુદાયમાં પેદા કરેલા સ્વાભિમાનના જયઘોષ માટે વિશેષ ગ્રામસભા બોલાવવામાં આવી છે. આવતી કાલે સવારે 11:30 કલાકે યોજાનારી ગ્રામસભામાં દમણવાડા ગ્રામ પંચાયત વિસ્તારના નાગરિકો ઉપસ્થિત રહી રાષ્ટ્રપતિ પદના ઉમેદવાર તરીકે શ્રીમતીદ્રૌપદી મુર્મુની પસંદગી કરવા બદલ પ્રધાનમંત્રી શ્રી નરેન્દ્રભાઈ મોદી અને એનડીએની તરફેણમાં આભાર પ્રસ્તાવ રજૂ કરવામાં આવશે.
