(વર્તમાન પ્રવાહ ન્યુઝ નેટવર્ક)
સેલવાસ,તા.12: સેલવાસ સ્માર્ટ સીટી લિમિટેડ દ્વારા ‘આઝાદીના અમૃત મહોત્સવ’ અંતર્ગત ‘હર ઘર તિરંગા’ અભિયાનની થીમ ઉપર 7.5 કિલોમીટર સાયકલ ફોર ચેન્જ સ્પર્ધાનું આયોજન કરવામાં આવ્યું હતું. જેમાં જિલ્લા પ્રશાસન અને વિદ્યાર્થીઓ તથા સ્કાઉટ ગાઈડની ટીમ અને પ્રદેશના નાગરિકો જોડાયા હતા. આ સાયકલ રેલીને કલેક્ટર શ્રીમતી ભાનુ પ્રભાએ લીલી ઝંડી બતાવી રવાના કરવામાં આવી હતી. આ રેલી કલેક્ટર કચેરીથી નીકળી કિલવણી નાકા, ડોકમરડી બ્રિજ, સરસ્વતી ચોક, ઝંડાચોક થઈ આમલી ફુવારાથી પરત કલેક્ટર કચેરી ખાતે આવી હતી. આ સાયકલ રેલીમાં સેલવાસના નિવાસી નાયબ કલેક્ટર સુશ્રી ચાર્મી પારેખ, ખાનવેલ નિવાસી નાયબ કલેક્ટર ડો. સુનભ સિંગ ઉપસ્થિત રહ્યા હતા.
