(વર્તમાન પ્રવાહ ન્યુઝ નેટવર્ક) સેલવાસ, તા.08
સેલવાસના ભીલાડ-નરોલી રોડ પર દમણગંગા નદી પૂલ નજીક નવા બ્રિજનું કામ ચાલી રહ્યું છે. આજે બપોરના સમયે વરસાદ પડવાને કારણે રસ્તા પર કાદવ હોવાને કારણે એક અલ્ટો કાર નંબર જીજે-15-સીએલ-5866ના ચાલક નિશાર્ક શર્માએ સ્ટીયરીંગ પરથી કાબુ ગુમાવતા એમની કાર સીધી રોડની બાજુમાં આવેલ ગટરમાં પલ્ટી મારી ગઈ હતી. આ ઘટનાની જાણ થતાં પોલીસ અને ફાયરની ટીમ ઘટના સ્થળ પર પહોંચી હતી અને સૌપ્રથમ કાર ચાલકને બહાર કાઢયો હતો. બાદમાં કારને બહાર કાઢવામાં આવી હતી. કાર ચાલક નિશાર્કને ગંભીર ઇજા થતાં 108 એમ્બ્યુલન્સ દ્વારા સેલવાસની શ્રી વિનોબા ભાવે સિવિલ હોસ્પિટલમાંસારવાર અર્થે દાખલ કરવામાં આવ્યો છે.
