(વર્તમાન પ્રવાહ ન્યુઝ નેટવર્ક)
દમણ, તા.17: આઝાદીના 75 વર્ષની ઉજવણીઅંતર્ગત વડાપ્રધાન શ્રી નરેન્દ્રભાઈ મોદી અને કેન્દ્રશાસિત પ્રદેશ દાદરા અને નગર હવેલી અને દમણ અને દીવ અને લક્ષદ્વિપના પ્રશાસક શ્રી પ્રફુલભાઈ પટેલના અનુભવી માર્ગદર્શન હેયળ યુવાન બાબતો અને રમત-ગમત વિભાગ દ્વારા આયોજીત ટગ ઓફ વોરમાં લોકેઅ ઉત્સાહભેર ભાગ લીધો હતો. જેમાં દમણ અને દમણની બહારની ઘણી ટીમોએ પણ ભાગ લીધો હતો. આ સ્પર્ધામાં અસ્પી દમણિયાની અસ્પી ઈલેવન અને અને દમણ સ્પોર્ટ્સ વિભાગની ટીમ ઓપન મેન્સ કેટેગરીમાં ફાઈનલમાં પહોંચી હતી. ટગ ઓફ વોરમાં સ્પોર્ટ્સ વિભાગની ટીમ વિજેતા બની હતી અને અસ્પી ઈલેવન રનર્સઅપ હતી. દમણ જિલ્લા ભાજપ પ્રમુખ અને ડીએમસીના કાઉન્સિલર શ્રી અસ્પી દમણિયા દ્વારા ટ્રોફી આપી સન્માનિત કરવામાં આવી હતી. જ્યારે મહિલા વિભાગમાં દમણ સ્પોર્ટ્સ વિભાગની મહિલા ટીમ વિજેતા બની હતી. વિજેતા અને રનર્સઅપ ટીમોને શ્રી અસ્પી દમણિયા દ્વારા ટ્રોફી આપવામાં આવી હતી.
