-
સંઘપ્રદેશ દાદરા નગર હવેલી અને દમણ-દીવના અનુ.જાતિના ગામોમાં લોકોએ મનાવેલો આનંદ-ઉત્સવ -
ઠેર ઠેર ફટાકડા ફોડી અને મિઠાઈઓ વહેંચી દીવ ન.પા.ના પ્રમુખ તરીકે નિમાયેલા હેમલતાબેન સોલંકીનો કરેલો જય જયકાર
(વર્તમાન પ્રવાહ ન્યુઝ નેટવર્ક)
દીવ, તા.17: દીવ નગર પાલિકાના પ્રમુખપદે આશ્ચર્યજનક રીતે વોર્ડ નં. 13ના કાઉન્સિલર સુશ્રી હેમલતાબેન સોલંકી ઉપર કળશ ઢોળી ભાજપે મોટો માસ્ટર સ્ટ્રોક માર્યો છે. 13 સભ્યોનું કદ ધરાવતી દીવ નગર નગરપાલિકાનાં અનુ.જાતિના કાઉન્સિલર સુશ્રી હેમલતાબેન સોલંકીની પ્રમુખ પદની સામાન્ય બેઠક ઉપર વરણી કરવાનો ભાજપે ઐતિહાસિક નિર્ણય લીધો હતો.
દીવ ન.પા.ના પ્રમુખ પદે સુશ્રી હેમલતાબેન સોલંકી બિરાજમાન થયા હોવાના સમાચાર દમણ અને દાદરા નગર હવેલીમાં પ્રસરતા અનુ.જાતિના ગામોમાં આનંદ અને ઉત્સવનું વાતાવરણ જોવા મળ્યું હતું. ઠેરઠેર ફટાકડા ફોડી અને મીઠાઈ વહેંચી આનંદ ઉત્સવ મનાવવામાં આવ્યો હતો.
દાદરા નગર હવેલી અને દમણ-દીવના પ00 વર્ષના ઈતિહાસમાં કોઈ એક દલિત વ્યક્તિની નગર પાલિકા કે જિલ્લા પંચાયતના પ્રમુખપદે નિયુક્તિ થઈ હોય એવી આ પહેલી ઘટના છે. તેથી પ્રદેશના ભાજપ અનુ.જાતિ મોરચાએ પણ ભાજપના પ્રદેશ અને જિલ્લા કાર્યાલયોમાં સુશ્રી હેમલતાબેન સોલંકીની પ્રમુખપદે થયેલી વરણીને આવકારવામાં આવી હતી.
