(વર્તમાન પ્રવાહ ન્યુઝ નેટવર્ક)
પારડી, તા.20: પારડીના ઉમરસાડી માંગેલવાડમાં રહેતા શ્રી રવિશંકર શિવરામ માંગેલા વાપી ખાતે નોકરી કરી પત્ની સિધ્ધીકા તથા બે દિકરા આયુષ તથા પ્રણાલ સાથે રહી પોતાનું ગુજરાન ચલાવે છે, ગઈકાલે સવારે બંને દિકરા પારડી ખાતે આવેલ ફાધર એંજલ સ્કૂલમાં ગયા બાદ તેવો પણ નોકરી માટે વાપી જવા નીકળ્યા હતા.
ત્યારબાદ તેઓ કંપનીના કામે દમણ દુનેઠા આવ્યા બાદ કામ પતાવી કલસર પોતાનો ફલેટ જોવા આવ્યા હતા. આ દરમ્યાન તેમણે પત્ની સિધ્ધીકાને 9.0ઢ વાગ્યે ચાર થી પાંચ ફોન કરવા છતાં તેમણેફોન રિસીવ ન કરતા તેઓ ઘરે પહોંચતા પત્ની સિધ્ધીકા ઘરે ન હોય તેમણે આજુબાજુ વિસ્તારમાં સિધ્ધીકાની શોધખોળ હાથ ધરી હતી. સ્કૂલે જઈ તપાસ કરતાં પત્ની સિધ્ધીકા બન્ને બાળકોને પણ સ્કૂલે થી લઈ ગઈ હોવાનું માલુમ થતા સગા સંબંધીઓ તથા અન્ય જગ્યાએ પત્ની તથા બાળકો મળી ન આવતા પતિ રવિશંકરે પત્ની તથા બે બાળકો ગૂમ થવાની ફરિયાદ પારડી પોલીસ મથકે નોંધાવી છે. ફરિયાદના આધારે પારડી પોલીસે શોધખોળ હાથ ધરી કોઈને આ પરિણીતા અને બાળકો વિશે માહિતી મળે તો પારડી પોલીસનો સંપર્ક કરવા અપીલ કરવામાં આવી છે.
