(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.27
દેશી દારૂના અડ્ડા અને ભઠ્ઠીઓબંધ કરાવવાના આદેશને પગલે હરકતમાં આવેલ પોલીસે પીઆઈ કે.જી.ચૌધરીના માર્ગદર્શન હેઠળ છાપો મારી સરૈયા ગામેથી રમેશ ભંગીયા હળપતિ, પદ્માબેન મુકેશ હળપતિ, ચાસા ગામેથી કિશોર છગન હળપતિ, આલીપોરથી સંગીતા અર્જુન નાયકા, રામી ઠાકોરભાઈ હળપતિ, ટાંકલથી નિરૂબેન કિશોરભાઈ પટેલ, મીનાબેન અમ્રતભાઈ પટેલ સહિત સાત જેટલાને દેશી દારૂના જથ્થા સાથે ઝડપી પાડ્યા હતા. સાથે પોલીસે 23-લીટર દેશી દારૂ, 181-લીટર રસાયણ, 15-લીટર ચાલુ ભઠ્ઠીનું રસાયણ અને પ્લાસ્ટિકના કેન, તગારા, પાઈપ તેમજ દેશી દારૂની ભઠ્ઠીમાં વપરાતા અન્ય સાધનો કબ્જે લઈ વધુ તપાસ હાથ ધરી હતી. જોકે રસાયણનો પોલીસ દ્વારા નાશ કરાયો હતો.
વધુમાં પોલીસ જોઈને ભાગી જતા તેજલાવના ગામના ધર્મેશ પટેલ અને ખાંભડાના મનુ ગુલાબ પટેલને વોન્ટેડ જાહેર કરી વધુ તપાસ હાથ ધરી હતી.
