મહિલા ટેન્શનમાં આવી જઈ આયર્નની ગોળી પી લેતા સારવાર અર્થે હોસ્પિટલમાં ખસેડાઈ
(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.24: ખેરગામ તાલુકાના વાડ ગામે રહેતી એક મહિલાના લગ્નસોળેક વર્ષ અગાઉ ચીખલીના બામણવેલ ગામે થયા હતા. પરંતુ ચારેક વર્ષ અગાઉ પતિનુ બીમારીના કારણે મોત નીપજ્યું હતું. પરિવારનું ભરણ પોષણ કરવા મહિલાએ નોકરી કરી રહી હતી. દરમ્યાન આજ ગામે રહેતા રોબિન દિનયરભાઈ પટેલ સાથે આંખો મળી જતા પ્રેમ સંબંધ બંધાયો હતો. દરમ્યાન પ્રેમ સંબંધના કારણે યુવતી ગર્ભવતી બનતા તા.14/08/22 ના રોજ બામણવેલ ખાતે ગામના સરપંચ, સગા સંબંધી તેમજ આગેવાનો સાથે મિટિંગ રાખવામાં આવી હતી. દરમ્યાન યુવતીએ જણાવેલ કે આપણો પ્રેમ સબંધ છે અને હું તારી સાથે રહેવા માંગુ છું અને હું પ્રેગનેટ છું એમ જણાવતા તાલુકા સભ્ય રોબિને જણાવેલ કે હું તને મારી સાથે રાખવાનો નથી જેથી વિધવા મહિલા ટેન્શનમાં આવી જઈ આયરનની ગોળી પી લેતા બનાવનો ભાંડો ફુટી ગયો હતો. અને મહિલાની તબીયત લથડતા સૌ-પ્રથમ ચીખલી રેફરલ હોસ્પિટલમાં અને વધુ સારવાર અર્થે વલસાડની સિવિલ હોસ્પિટલમાં ખસેડવામાં આવી છે. બનાવ અંગેની જાણ ભોગ બનનાર મહિલાના ભાઈ હિરલ રતિલાલ પટેલ (રહે.વાડ દરગાહ ફળિયા તા.ખેરગામ) એ કરતા પોલીસે જાણવા જોગ ફરિયાદ નોંધી વધુ તપાસ હાથ ધરી છે.
