પોલીસે કોંગ્રેસ કાર્યકરોને ડિટેઈન કર્યા : પ્રદેશ પ્રમુખ જગદીશ ઠાકોર આપેલ નિર્દેશ અનુસાર યોજાયેલ કાર્યક્રમ
(વર્તમાન પ્રવાહ વાપી બ્યુરો)
વાપી, તા.25: વલસાડ સ્ટેડિયમ રોડ ઉપર આવેલ જિલ્લા કોંગ્રેસ કાર્યાલય ખાતે આજે ગુરુવારે કોંગ્રેસ દ્વારા મોંઘવારી મુદ્દે હલ્લાબોલ કાર્યક્રમ યોજાયો હતો. કાર્યક્રમમાં પ્રદેશથી આવેલ સુચનાઓનું વાંચન અને ઠરાવ કર્યા બાદ કલેક્ટરને આવેદનપત્ર પાઠવાયું હતું. કાર્યક્રમ દરમિયાન પોલીસે કેટલાક કાર્યકરોને ડીટેઈન કર્યા હતા.
કોંગ્રેસ દ્વારા કલેક્ટરને અપાયેલ આવેદન મુજબ કેન્દ્ર સરકાર ઉપર પ્રજાવિરોધી સરકાર ગણાવીને બેફામ જીવન જરૂરીયાતની ચિજવસ્તુઓનો ભાવ વધારો પેટ્રોલ, ડિઝલ, રાંધણ ગેસમાં ભાવ વધારા જેવા મુદ્દા આવરાયા હતા તેમજ અગ્નિપથ જેવી યોજનાનો વિરોધ કરાયો હતો. બેરોજગારી જેવા અનેક મુદ્દે કોંગ્રેસ દેશભરમાં જાહેર સ્થળોએમોંઘવારી હલ્લાબોલ કાર્યક્રમો યોજાશે. પ્રદેશ પ્રમુખ જગદીશ ઠાકોરની સુચના અનુસાર આજે હલ્લાબોલ કાર્યક્રમ યોજાયો હતો. તેમજ સરકાર વિરોધમાં ઠરાવ કરાયો હતો. આગામી તા.04 સપ્ટેમ્બર રવિવારના રોજ દિલ્હી રામલીલા મેદાનમાં મોંઘવારી ઉપર રાષ્ટ્રિય સ્તરે હલ્લાબોલ કાર્યક્રમ યોજાશે. કાર્યક્રમમાં જિલ્લાના હોદ્દેદારો હાજર રહ્યા હતા.
