(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.01: ચીખલી કાવેરી નદીના જુના લો – લેવલ પુલ નીચેથી અજાણ્યા શખ્સની ડી કંપોઝ હાલતમાં લાશ મળી આવી.
બનાવની પોલીસ મથકેથી પ્રાપ્ત માહિતી અનુસાર ચીખલી કાવેરી નદીના જુના લો – લેવલ પુલની નીચે તીવ્ર દુર્ગંધ મારતા સ્થાનિકો દ્વારા તપાસ કરતા પુલની નીચે લાશ હોવાનું જાણવા મળતા જે બાબતે ચીખલી પોલીસ જાણ કરતા પોલીસ સ્થળ ઉપર આવી અજાણ્યા પુરુષની લાશ બહાર કાઢી જોતા મરનાર વ્યક્તિની ઉંમર આશરે 35 થી 40 વર્ષની હોય અને લાશ ઘણા સમયથી પાણીમાં રહેતા ડી કંપોઝ થઈ જવા પામી હતી. અને ઓળખી પણ ન શકાતા વાલી વારસોની કોઈ ભાળ મળી ન હતી. ત્યારે પોલીસે ચીખલીના સરપંચની ફરિયાદના આધારે લાશનો કબ્જો લઈ અકસ્માત મોતનો ગુનો નોંધી વધુ તપાસ હાથ ધરી છે.
