ધોબી તળાવ નજીક કચરાના ઢગોમાં રોજ આગ લાગી રહી છે
(વર્તમાન પ્રવાહ વાપી બ્યુરો)
વાપી, તા.30: વલસાડમાં ધોબી તળાવ વિસ્તારમાં છેલ્લા ત્રણ દિવસથી ભેદી આગ લાગી રહી છે. કચરાના ઢગલાઓમાં કોણ રોજે રોજ આગ લગાડી જાય તેનો જવાબ મળ્યો નથી પરંતુ સતત આગ લાગવાની ઘટનાને લઈ આજુબાજુમાં ભયનો ઓથાર પથરાયેલો જોવા મળે છે.
વલસાડ ધોબી તળાવ પાસે એક જગ્યાએ મોટા મોટા કચરાના ઢગ ખડકાયેલા છે. સ્થાનિકોજણાવી રહ્યા છે કે, પાલિકા અહીંથી માત્ર 20 ટકા જેટલો જ કચરો ઉપાડે છે. પરિણામે ઢગલા બેવડાતા જાય છે. છેલ્લા ત્રણ દિવસથી આ ઢગલાઓમાં આગ લાગે છે. ફાયર વિભાગ દોડાદોડી કરી આગ તો બુઝાવે છે પરંતુ ઢગલાઓ વચ્ચે આવેલી વીજ ડીપીઓ ક્યારેક મોટી હોનારત સર્જી શકે એમ છે તેવી સ્થાનિકોમાં દહેશત પ્રવર્તિ રહી છે.
