(વર્તમાન પ્રવાહ ન્યુઝ નેટવર્ક)
સેલવાસ,તા.06: સંઘપ્રદેશ દાદરા નગર હવેલી અને દમણ-દીવ સમાજ કલ્યાણ અને બાળ સુરક્ષા સોસાયટી દ્વારા સંભાળ અને સંરક્ષણની જરૂરિયાત ધરાવતા બાળકોને શિક્ષણ સાથે જોડાયેલા રાખવાના ઉદ્દેશ્ય સાથે દાનહના કલેક્ટર સભાખંડમાં કલેક્ટર શ્રીમતી ભાનુ પ્રભાના માર્ગદર્શન હેઠળ અને વિભાગના નિયામક શ્રી જતીન ગોયલના નેતૃત્વમાં ‘નન્હે હાથ કલમ કે સાથ’ કાર્યક્રમ યોજાયો હતો.
આ પ્રસંગે ઉપસ્થિત બાળ સુરક્ષા સમિતિ દાનહ અને દમણ-દીવ પ્રોગ્રામ મેનેજર શ્રી સંજીવ કુમાર પંડ્યાએ વિભાગે ત્રણેય જિલ્લાની સરકારી અને ગ્રાન્ટેડ શાળાઓમાંથી કાળજી અને સંરક્ષણની જરૂરિયાત ધરાવતા બાળકો વિશે માહિતી મંગાવી હતી. જેમાં દાદરા અને નગર હવેલી, દમણ અને દીવ એમ ત્રણેય જિલ્લાના બાળકોના નામની યાદી શાળાઓ દ્વારા વિભાગને મોકલવામાં આવી હતી. જેમાં સારસંભાળ અને રક્ષણની જરૂરિયાતવાળા બાળકો છે તેમને શૈક્ષણિક સામગ્રીની 2377 કિટ તૈયાર કરીને દાદરા અને નગર હવેલી, દમણ અને દીવના બાળકોને આપવામાં આવશે.
આ પ્રસંગેદાદરા નગર હવેલીના વિભાગના સચિવ અને કલેક્ટર શ્રીમતી ભાનુ પ્રભા દ્વારા આજે કલેક્ટર કચેરી દાદરા અને નગર હવેલીના કચેરીમાંથી જરૂરિયાતમંદ 14 બાળકોને શૈક્ષણિક સામગ્રીની કીટ આપીને આ પ્રતિકાત્મક કાર્યક્રમની શરૂઆત કરવામાં આવી હતી.
આ પ્રસંગે સમાજ કલ્યાણ અને મહિલા અને બાળ વિકાસ વિભાગના સેક્રેટરીએ બાળ સુરક્ષા સમિતિની સરાહના કરતાં જણાવ્યું હતું કે, સમયાંતરે આવા કાર્યક્રમોનું આયોજન કરીને બાળકોને પ્રોત્સાહિત કરવા જોઈએ જેથી કરીને બાળકો અભ્યાસમાં અને તેમના જીવનમાં રસ દાખવે. સાથે, તેમણે તે તમામ ઔદ્યોગિક એકમો જેમણે કોર્પોરેટ સામાજિક જવાબદારી હેઠળ શૈક્ષણિક સામગ્રીની કિટ પેન, પેન્સિલ, કંપાસ બોક્સ, ટિફિન બોક્સ, પાણીની બોટલ, નોટબુક જેવી સામગ્રી બનાવી. આ શૈક્ષણિક સામગ્રી કીટ ઓલ ટાઈમ પ્લાસ્ટિક, રિયલ પ્લાસ્ટિક, હોમ લાઈન પ્રોડક્ટ્સ, બિક સેલો એક્સપોર્ટ પ્રાઈવેટ લિમિટેડ, ફલેર પેન, નવનીત ગાલા, ન્યાસા સુપરપ્લાસ્ટ, હિન્દુસ્તાન પેન્સિલ પ્રાઈવેટ લિમિટેડ કંપની જેવી દાતા કંપનીઓનો આભાર માન્યો હતો અને કહ્યું હતું કે ભવિષ્યમાં પણ આ જ પ્રકારનું આયોજન કરવામાં આવશે. તેમણે જરૂરિયાતમંદ, સંભાળ અને રક્ષણની જરૂરિયાતવાળા બાળકોને પ્રોત્સાહિત અને સહાય કરવાનું ચાલુ રાખવા જણાવ્યું હતું.
આ શૈક્ષણિકસામગ્રીની કીટ વિભાગ દ્વારા ત્રણ જિલ્લાના સંભાળ અને સંરક્ષણની જરૂરિયાતવાળા બાળકોને પહોંચાડવામાં આવશે. આ કાર્યક્રમ સમાજ કલ્યાણ અને મહિલા અને બાળ વિકાસ વિભાગના નિયામક શ્રી જતીન ગોયલના નેતૃત્વ હેઠળ સફળતાપૂર્વક સંપન્ન થયો હતો. આ કાર્યક્રમમાં બાળ સુરક્ષા સમિતિ દાદરા અને નગર હવેલી અને દમણ અને દીવ અને જિલ્લા બાળ સુરક્ષા એકમની ટીમો ઉપસ્થિત રહી હતી.
