November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

વાપી જનસેવા હોસ્‍પિટલમાં 15મી માર્ચ સુધી બ્રેસ્‍ટ કેન્‍સરનું નિઃશુલ્‍ક નિદાન થશે

હોસ્‍પિટલને હુબર ગૃપ દ્વારા મેમોગ્રાફી મશીન ભેટ અપાયુ

(વર્તમાન પ્રવાહ વાપી બ્‍યુરો)
વાપી, તા.01: વલસાડ જિલ્લામાં અનેક મહિલાઓ બ્રેસ્‍ટ કેન્‍સરથી પિડાતી હોય છે જેની સારવાર અને નિદાન માટે વાપીની જનસેવા હોસ્‍પિટલમાં અધ્‍યતન ટેકનોલોજી સજ્જ મેમોગ્રાફી મશીનનું આજે ઉદ્‌ઘાટન કરવામાં આવ્‍યું હતું તેમજ 15 માર્ચ સુધી બ્રેસ્‍ટ કેન્‍સરનું નિઃશુલ્‍ક નિદાનની જાહેરાત પણ કરાઈ હતી.
જનસેવા હોસ્‍પિટલને જાણીતી હુબર કંપનીએ સી.એસ.આર. હેઠળ શિક્ષણ અને સામાજીક આરોગ્‍ય યોગદાન માટે આજે અધ્‍યતન ટેકનોલોજી સજ્જ મેમોગ્રાફી મશીન ભેટ આપ્‍યુ છે. તેમજ હોસ્‍પિટલ તરફથી આગામી 15મી માર્ચ સુધી બ્રેસ્‍ટ કેન્‍સરનું નિઃશુલ્‍ક નિદાન કરવામાં આવશે તેવી આ પ્રસંગે જાહેરાત પણ કરી હતી.
હોસ્‍પિટલમાં યોજાયેલ ઉદ્‌ઘાટન કાર્યક્રમમાં હુબર ગૃપના મેનેજિંગ ડિરેક્‍ટર ભારત-પ્રેસિડેન્‍ટ સુરેશ કાલરાએ જણાવ્‍યું હતું કે, હુબર ગૃપ સી.એસ.આર. દ્વારા અનેક સામાજીક સેવાની કામગીરી અવિરત કરતું રહે છે.તેના ભાગ રૂપે જનસેવા હોસ્‍પિટલને ગૃપ દ્વારા મેમોગ્રાફી મશીન ભેટ આપવામાં આવ્‍યું છે. જ્‍યાં જ્‍યાં આરોગ્‍ય લગતી સેવા હોય ત્‍યાં ગૃપ તેમની પડખે રહે છે. કોવિદમાં જનસેવાએ નોંધનીય સેવા બજાવી હતી. આ પ્રસંગે હોસ્‍પિટલ પ્રસંગે હોસ્‍પિટલ ટ્રસ્‍ટી નિમેશ વશીએ જણાવ્‍યું હતું કે, મેમોગ્રાફી મશીનબ્રેસ્‍ટ કેન્‍સર નિદાન અને વહેલી સારવાર કરી શકાય તેવું ઉપકરણ છે. ઉદ્‌ઘાટન કાર્યક્રમમાં ઈ.એસ.આઈ.સી. હોસ્‍પિ. સુપ્રિટેન્‍ડન્‍ટ ડો.સંજય વંશ, જિલ્લા આરોગ્‍ય અધિકારી ડો.કે.પી. પટેલ, હોસ્‍પિટલના મેડિકલ સુપ્રિટેન્‍ડન્‍ટ ડો.લોકેશ ઠક્કર સહિત તબીબો, પેરામેડિકલ સ્‍ટાફ અને ટ્રસ્‍ટીઓ ઉપસ્‍થિત રહ્યા હતા. આગામી સમયે આયુષ્‍યમાન યોજનામાં બ્રેસ્‍ટ કેન્‍સર સારવાર અંગે સમાવેશ કરવાની તજવીજ હાથ ધરાશે. બીજું વાર્ષિક 600 રૂા. ભરીને બ્રેસ્‍ટ કેન્‍સર નિદાન પણ કરાવી શકાશે.

Related posts

વાપી તાલુકા ભાજપ ઉપપ્રમુખ શૈલેષ પટેલની હત્‍યાનો ભેદ ઉકેલાયો : પાંચ આરોપીની ધરપકડ

vartmanpravah

તા.૧૮મી ડિસેમ્‍બરે કપરાડા તાલુકામાં કોવિડ-૧૯ રસીકરણ મેગા ડ્રાઇવ માટે ૨૫ હજારથી ડોઝ ઉપલબ્‍ધ કરાશે

vartmanpravah

બુધવારથી દમણના દાભેલમાં વિશ્વ પ્રસિદ્ધ કથાકાર પ.પૂ.મેહુલભાઈ જાની બાપુની શ્રીમદ્‌ દેવી ભાગવત કથાનો થનારો પ્રારંભ

vartmanpravah

સ્‍વાતંત્ર્ય સંગ્રામના ઘટકો

vartmanpravah

વાપીમાં 17મી ડિસેમ્‍બરે જે.સી.આઈ. દ્વારા ‘‘વુમેથોન” ફિમેલ નાઈટ મેરેથોન યોજાશે

vartmanpravah

ભારતીય જનતા પાર્ટી પ્રદેશ મહિલા મોરચા દ્વારા સુશાસન દિવસ અંતર્ગત અટલ બિહારી વાજપેયીજીના વિષયમાં મોડર્ન સ્‍કૂલમાં વકતૃત્‍વ સ્‍પર્ધાનું આયોજન

vartmanpravah

Leave a Comment