કચીગામના સરપંચ ભરતભાઈ પટેલે માન દેશી ફાઉન્ડેશનની પહેલનું કરેલું સ્વાગતઃ મહિલાઓને આત્મનિર્ભર બનાવવાના પ્રયાસની કરેલી સરાહના
(વર્તમાન પ્રવાહ ન્યુઝ નેટવર્ક)
દમણ, તા.27: આજે કચીગામ ખાતે માન દેશી ફાઉન્ડેશનના ઉપક્રમે 19 મહિલાઓને સિવણ ક્લાસ અને 9 મહિલાઓને બ્યુટીપાર્લરનું સર્ટીફિકેટ આપી મહિલા સશક્તિકરણના ક્ષેત્રે એક ઉમદા પહેલ કરી છે. આ કાર્યક્રમમાં કચીગામના સરપંચ શ્રી ભરતભાઈ પટેલ, કચીગામ વિભાગના જિલ્લા પંચાયત સભ્ય શ્રી દિનેશભાઈ ધોડી અને કચીગામ વોર્ડ નં.2ના પંચાયત સભ્ય શ્રીમતી સોનલબેન પટેલ ઉપસ્થિત રહ્યા હતા.
આ પ્રસંગે કચીગામ ગ્રામ પંચાયતના સરપંચ શ્રી ભરતભાઈ પટેલે માન દેશી ફાઉન્ડેશનની પહેલને આવકારી હતી અને મહિલાઓને આત્મનિર્ભર બનાવવા માટે થઈ રહેલા પ્રયાસની સરાહના કરી હતી.