પ્રસ્તાવને મંજૂરી આપવા પહેલા પંચાયતી રાજસચિવે તમામ સભ્યોની કરેલી ઓળખ પરેડ અને દરેક સભ્યોની લીધેલી સહમતી
(વર્તમાન પ્રવાહ ન્યુઝ નેટવર્ક)
સેલવાસ, તા.12: જનતા દળ(યુ) શાસિત દાદરા નગર હવેલી જિલ્લા પંચાયતના પ્રમુખ શ્રીમતી નિશા ભવરે પોતાની સાથે 1પ સભ્યોને ભાજપમાં વિલય કરવાનો લેખિત પ્રસ્તાવ પ્રદેશના પંચાયતી રાજ સચિવ શ્રી ગૌરવસિંહ રાજાવતને સુપ્રત કર્યો હતો અને તેમની સમક્ષ 1પ સભ્યોની ઓળખ પરેડ પણ કરાવવામાં આવી હતી.
પ્રશાસન તરફથી જિલ્લા પંચાયત સભ્યો દ્વારા સોંપવામાં આવેલા પ્રસ્તાવ પર તમામ સભ્યોની સહમતી લેવામાં આવી હતી ત્યારબાદ પ્રશાસને જેડીયુના 1પ સભ્યોને ભાજપમાં વિલયને મંજૂરી આપતું જાહેરનામું પણ પ્રસિદ્ધ કરવામાં આવ્યું હતું.
