(વર્તમાન પ્રવાહ ન્યુઝ નેટવર્ક)
સેલવાસ,તા.13: દાદરા નગર હવેલીના રખોલી ગામે એક યુવાન અને યુવતીએ ઝાડની ડાળી સાથે ઓઢણી બાંધી ગળે ફાંસો લગાવી આત્મહત્યાનો કરવાનો પ્રયાસ કર્યો હતો. જેમાં યુવતિનું મોત થયું હતું જ્યારે યુવાનનો જીવ બચી પામ્યો હતો. યુવાનને સારવાર અર્થે હોસ્પિટલમાં દાખલ કરવામાં આવ્યો હતો. ખાનવેલ ગામનો છોકરો અને રખોલીની છોકરી બન્ને એકબીજાના પ્રેમમાં પાગલ હતા. જેઓના પરિવાર તેઓની સગાઈ કરવાનું નક્કી કરાયું હતું. પરંતુ બન્ને સગીર હોવાને કારણે તેમના લગ્ન હાલમાં થઈ શકે એમ ન હતું. આ બન્ને છોકરા-છોકરીએ સાથે જ રખોલી ગામે જંગલ વિસ્તારમાં એક ઝાડ પર ઓઢણી બાંધી ગળે ફાંસો ખાઈને આત્મહત્યાનો પ્રયાસ કર્યો હતો જેમાં છોકરીનું મોત થયું હતું જ્યારે યુવાન બચી ગયો હતો.
આ ઘટનાની જાણ પોલીસ વિભાગને થતાં પીએસઆઈ શ્રી નિલેશ કાટેકર અને એમની ટીમ ઘટના સ્થળે પહોંચી હતી અને છોકરીની લાશનો કબ્જો લઈ પોર્સ્ટમોર્ટ માટે સેલવાસની સિવિલ હોસ્પિટલમાં લઈ જવામાં આવી હતી. મોતના મુખમાંથી ઉગરેલ છોકરાને પ્રાથમિક સારવાર માટે દવાખાને ખસેડાયો હોવાનું જાણવા મળે છે. આઘટના અંગેની ફરિયાદ નોંધી વધુ તપાસ રખોલી પોલીસ કરી રહી છે.