(વર્તમાન પ્રવાહ ન્યુઝ નેટવર્ક)
દમણ,તા.17: ભારતીય કોસ્ટ ગાર્ડ એરસ્ટેશન દમણ દ્વારા આયોજિત આંતરરાષ્ટ્રીય દરિયાકાંઠાની સફાઈ જિજ્ઞાસુ- 2022 અંતર્ગત તા.15મી સપ્ટેમ્બર, 2022ના રોજ નિબંધ સ્પર્ધાનું આયોજન કરવામાં આવ્યું હતું. જેમાં દમણની સરકારી અને ખાનગી શાળા-કોલેજોના બાળકોએ ભાગ લીધો હતો. સરકારી ઉચ્ચતર માધ્યમિક શાળા, કચીગામની વિદ્યાર્થિની પ્રિયંકા નવીન ઝાએ દ્વિતીય સ્થાન પ્રાપ્ત કરવા બદલ તેમને ઈનામ આપી સન્માનિત કરાઈ હતી.
આ પ્રસંગે શાળાના ઈન્ચાર્જ આચાર્ય શ્રી અશ્વિન આર. પટેલ તથા શિક્ષકોએ વિજેતા વિદ્યાર્થીની પ્રિયંકા નવીન ઝા અને માર્ગદર્શક એવા એસ્કોર્ટ શિક્ષક શ્રી અશોક બાનાને શાળાનું નામ રોશન કરવા બદલ અભિનંદન પાઠવ્યા હતા અને આવનારા દિવસોમાં આવી અન્ય સ્પર્ધાઓમાં ઉત્સાહભેર ભાગ લઈ દમણ પ્રદેશમાં કચીગામશાળાનું નામ રોશન કરે તેવી શુભેચ્છા પાઠવી હતી.
