કર્મચારીઓની હડતાલથી સરકારી કામકાજને અસર પડી
(વર્તમાન પ્રવાહ વાપી બ્યુરો)
વાપી, તા.19: છેલ્લા કેટલાક સમયથી સરકારના વિવિધ વિભાગોના કર્મચારીઓની લગાતાર હડતાલ અને આંદોલન ચાલી રહ્યા છે તે શ્રૃંકલામાં આજે સોમવારે વલસાડ જિલ્લાના રેવન્યુ કર્મચારીઓ માસ સી.એલ. ઉપર ઉતરી તેમની 18 જેટલી પડતર માંગણીઓ માટે હડતાલ પાડી હતી.
સરકારી કર્મચારીઓ પોતાની માંગો માટે આંદોલન કરી રહ્યા છે. તેમજ સરકારને રજૂઆતો કરી રહ્યા છે તે અંતર્ગત વલસાડ જિલ્લાના 200 ઉપરાંત રેવન્યુ કર્મચારીઓ આજે માસ સી.એલ. ઉપર ઉતરી હડતાલ પાડી હતી. રેવન્યુ કર્મચારી દ્વારા તેમની 18 થી વધુ પડતર માંગણીઓ માટે આંદોલન કરી રહ્યા છે. અગાઉ પણ જિલ્લા કલેક્ટરને આવેદનપત્ર પણ પાઠવાયેલુ હતું. પરંતુ માંગણી ના સંતોષાતા આજે રેવન્યુ કર્મચારીઓ માસ સી.એલ. ઉપર ઉતર્યા હતા. હડતાલને લઈ સરકારી કામકાજ ઉપર અસર પણ પહોંચીહતી. જો એક બે દિવસમાં તેમની માંગ પુરી કરવામાં નહીં આવે તો અચોક્કસ મુદતની હડતાલની પણ ચિમકી આપવામાં આવી હતી.
