(વર્તમાન પ્રવાહ વાપી બ્યુરો)
વાપી, તા.04: વાપી બલીઠા રેલવે ટ્રેક અને હાઈવે વચ્ચે કોઈ અજાણ્યા યુવાનની લાશ સોમવારે સાંજે મળી આવી હતી. ઘટનાને લઈ ચકચાર સાથે ઘટના સ્થળે ટોળે ટોળા ઉમટી પડયાહતા.
વાપી ટાઉન પોલીસને લોકોએ યુવાનની લાશ અંગે જાણ કરવામાં આવતા પોલીસ એમ્બ્યુલન્સ સાથે ઘટના સ્થળે પહોંચી હતી. આશરે 35 વર્ષ આસપાસની મૃતકની ઉંમર જણાતી હતી તેમજ શરીર ઉપર ઘા ના નિશાન પણ જોવા મળતા હતા તેથી અનુમાન અને આશંકા સેવાઈ રહી હતી કે યુવાનની હત્યા કરીને લાશને રેલવે પાટા નજીક અવાવરૂ જગ્યામાં ફેંકી દેવાઈ હોવી જોઈએ. બીજી તરફ પોલીસે લાશનો કબજો મેળવીને પી.એમ. માટે મોકલી આપી હતી. પી.એમ. રિપોર્ટ બાદ મૃત્યુનું સાચું કારણ બહાર આવશે તે પહેલાં ઘટનાની ગંભીરતાથી પોલીસે નોંધ લઈને મૃત યુવાનની ઓળખ કરવા માટે ચક્રો ગતિમાન કરી ચાપતી તપાસ આરંભી દીધી છે.
