(વર્તમાન પ્રવાહ ન્યુઝ નેટવર્ક)
વલસાડ, તા.10: લાયન્સ ક્લબ ઓફ બલસાર દ્વારા વલસાડ તાલુકામાં વસવાટ કરતાં સમગ્ર નાગરિક માટે શનિવાર તા.08-10-2022ના રોજ શેરી ગરબા સ્પર્ધાનું આયોજન કરવામાં આવ્યું હતું. જેમાં કુલ 33 ટીમોએ ભાગ લીધો હતો. શ્રી પાર્ટી પ્લોટ-વશીયર ખાતે યોજાયેલ સમગ્ર સ્પર્ધામાં રોશનીના ઝગમગાટ તથા સંગીતના તાલે પરંપરાગત ગરબાએ રમઝટ જમાવી હતી. જેને માણવા માટે ખુબ જ મોટી મેદની હાજર રહી હતી. આ પ્રસંગને સફળતાપૂર્વક પાર પાડવા પીએમસીસી-એમજેએફ લા.જશવિકાબેન દેસાઈના માર્ગદર્શન હેઠળ તથા ક્લબના પ્રમુખ શ્રી કાર્તિક દેસાઈ, સેક્રેટરી શ્રીમતી મૈત્રી દેસાઈ તથા ટ્રેઝરર શ્રી અભિલાષ દેસાઈ તથા ક્લબની સમગ્ર ટીમ દ્વારા ખુબ જ તનતોડ મહેનત કરી આ સ્પર્ધાને સફળ બનાવેલ હતો. આ સ્પર્ધામાં મહિલા વિભાગમાં પ્રથમ ઈનામ અનાવિલ સહેલી વૃંદ પાલીહીલ, પુરુષ વિભાગમાં રામલાલા વલસાડ-પારડી, બાળ વિભાગમાં કુસુમ વિદ્યાલય-વલસાડ તથા મિક્ષ વિભાગમાં સખા ગ્રુપ, આર.એમ. પાર્ક પ્રથમ ક્રમે રહેલહતા.
આ સ્પર્ધા દરમિયાન ડીસ્ટ્રીક્ટ ગવર્નર શ્રી મુકેશભાઈ પટેલ, ડીસ્ટ્રીક્ટ સેક્રેટરી શ્રી પ્રેમલસિંઘ ચૌહાણ, વીડીજી દિપકભાઈ પખાલે, વીડીજી પરેશભાઈ પટેલ તથા ઝેડસી પિંકેશ પટેલ તથા આરસી ખુશમન ઢીંમરની હાજરી નોંધનીય હતી.
