November 30, 2025
Vartman Pravah
Breaking Newsગુજરાતડિસ્ટ્રીકટદેશનવસારીવલસાડવાપી

ધરમપુર એસ.ટી. ડેપોનો ટ્રાફિક ઈન્‍સ્‍પેક્‍ટર કન્‍ડક્‍ટરની રજા મંજૂર કરવા પેટે રૂા.200ની લાંચ લેતા ઝડપાયો

આરોપી રમેશ પ્રભાતસિંહ રાવતે કન્‍ડક્‍ટરને કહેલું કે રજા અરજી ફોર્મસાથે વહેવારના 200 લેતા આવજો

(વર્તમાન પ્રવાહ વાપી બ્‍યુરો)
વાપી, તા.19: હજુ તો ઉમરગામ સોળસુંબા પંચાયતના ઉપ સરપંચ અને મંત્રી રૂા.3 લાખની લાંચ લેતા ઝડપાયેલા બનાવની શાહી પણ સુકાઈ નથી ત્‍યાં આજે બુધવારે જિલ્લામાં ધરમપુર એસ.ટી. ડેપોના ટ્રાફિક ઈન્‍સ્‍પેક્‍ટર કન્‍ડક્‍ટરની બે દિવસની રજા મંજૂર કરવા પેટે માંગેલી રૂા.200ની લાંચ લેતા એસીબીના છટકામાં રંગેહાથ ઝડપાઈ ગયો છે.
એ.સી.બી. સુત્રો મુજબ ધરમપુર એસ.ટી. ડેપોમાં ટ્રાફિક ઈન્‍સ્‍પેક્‍ટર તરીકે રમેશકુમાર પ્રભાતસિંહ રાવત ફરજ બજાવી રહેલ છે. ડેપોમાં ફરજ બજાવતા કન્‍ડક્‍ટરે ધાર્મિક વિધીમાં જવા હેતુ બે દિવસની રજા માંગી હતી તે માટે ટ્રાફિક ઈન્‍સ્‍પેક્‍ટર રમેશ રાવતએ કહેલું કે રજાની અરજી ફોર્મ સાથે વહેવારના 200 રૂા. લેતા આવજો, પરંતુ ફરિયાદી કન્‍ડક્‍ટર 200ની લાંચ આપવા માગતો નહોતો તેથી એ.સી.બી.માં ફરિયાદ નોંધાવી હતી તે અનુસાર એ.સી.બી.એ આજે બુધવારે ડેપો ઉપર છટકુ ગોઠવ્‍યું હતું. રજા અરજી ફોર્મ સાથે રૂા.200ની લાંચ લેતા ટ્રાફિક ઈન્‍સ્‍પેક્‍ટર રમેશ પ્રભાતસિંહ રાવતને એ.સી.બી.એ રંગે હાથ ઝડપી પાડયો હતો. ટેપીંગ અધિકારી કે.આર. સક્‍સેના પી.આઈ. વલસાડ ડાંગ તથા સુપરવિઝન અધિકારી શ્રીમતી એ.કે. ચૌહાણ અને એલ.સી.બી. સ્‍ટાફે ફરજ અદા કરી હતી.

Related posts

દાનહ કૃષિ અને વન વિભાગ દ્વારા પ્રદેશના ખેડૂતોને વર્મીકમ્‍પોસ્‍ટ ખાતર અને જીવામૃત બનાવવાની આપવામાં આવેલી તાલીમ

vartmanpravah

દાનહ અને દમણ દીવ જિલ્લાના રાષ્ટ્રીય સેવા યોજના એકમ દ્વારા ‘સ્‍વચ્‍છ ભારત’ કાર્યક્રમ 2.0 અંતર્ગત કરાયેલી સ્‍વચ્‍છતા

vartmanpravah

રોટરી ક્‍લબ ઓફ દાનહ દ્વારા નવરાત્રીના શુભ અવસરે થનગનાટ ગરબા મહોત્‍સવનું થનારૂં આયોજન

vartmanpravah

વલસાડના દુલસાડમાં ઘાસ લઈ જતા ટેમ્‍પામાં વીજતાર અડતા લાગી આગ

vartmanpravah

સેલવાસમાં પતંગના દોરાથી એક યુવાનને ઈજા : ગાલ અને હોઠ ઉપર ગંભીર ઈજાઃ 15 ટાંકા આવ્‍યા

vartmanpravah

વલસાડ પારનેરા કોમ્‍પલેક્ષમાં લાગેલી આગમાં બે મોત: મણીબા કોમ્‍પલેક્ષને નોટિસ ફટકારાઈ

vartmanpravah

Leave a Comment