દમણની જ્યુડિશિયલ મેજીસ્ટ્રેટ ફર્સ્ટ ક્લાસ કોર્ટે તા.21મી ઓક્ટોબર, 2022 સુધીના આપેલા પોલીસ રિમાન્ડ
(વર્તમાન પ્રવાહ ન્યુઝ નેટવર્ક)
દમણ, તા.20 : ગત તા.13મી સપ્ટેમ્બર, 2022ની રાત્રિના સમયે દમણ પોલીસના કર્મચારીઓ પેટ્રોલિંગ કરી રહ્યા હતા તે દરમિયાન એક ટેમ્પો નંબર ડીડી-03 એલ-9341, ભેંસલોરથી કલારિયા તરફ પીસીએલ કંપનીના બે મોટા મશીનરી પાર્ટ્સને ભરીને જઈ રહેલ બે ચોર ઈસમો પકડાયા હતા. જે બાબતે નાની દમણ પોલીસ મથકમાં કલમ 380, 457(2) આર/ડબલ્યુ 34 આઈપીસી હેઠળ ગુનો નોંધવામાં આવ્યો હતો. આ ઘટનાના ગુનામાં સંડોવાયેલા અત્યાર સુધી 4 આરોપીઓની પરપકડ કરવામાં આવી હતી.
આ બાબતે વધુ તપાસ કરતા દમણ પોલીસે વધુ એક આરોપી નિલેશ રમેશભાઈ હળપતિ (ઉ.વ.30), રહે. વટાર, ગુજરાતની ધરપકડ કરી આજે મહેરબાન જ્યુડિશિયલ મેજીસ્ટ્રેટ ફર્સ્ટ ક્લાસની કોટમાં રજૂ કરતાં તા.21.10.2022 સુધીના પોલીસ કસ્ટડી રિમાન્ડ મંજૂર કર્યા હતા. આગળની વધુ તપાસ દમણ પોલીસ દ્વારા કરવામાં આવી રહી છે.
