ભારતના પૂર્વ ક્રિકેટર કોનોર વિલિયમ્સના હસ્તે કસ્તુરી ક્રિકેટ ગ્રાઉન્ડ ખાતે ટુર્નામેન્ટનું કરાયેલું ઉદ્ઘાટન
(વર્તમાન પ્રવાહ ન્યુઝ નેટવર્ક)
સેલવાસ, તા.19 : કેન્દ્ર શાસિત પ્રદેશ દાદરા નગર હવેલી અને દમણ-દીવ, ડીએનએચ સ્પોર્ટસ ક્લબ અને કસ્તુરી ક્રિકેટ એકેડમીના સંસ્થાપક શ્રી ફતેહસિંહ મોહનસિંહ ચૌહાણ દ્વારા પ્રેરિત અંડર-17 ટેસ્ટ ટુર્નામેન્ટ ‘ફતેહ ટ્રોફી’નું શનિવારે ભારતના પૂર્વ ક્રિકેટર શ્રી કોનોર વિલિયમ્સ અને હવેલી ફાઉન્ડેશનના સચિવ શ્રી અભિષેકસિંહ ચૌહાણનાહસ્તે કસ્તુરી ક્રિકેટ ગ્રાઉન્ડ ખાતે ઉદ્ઘાટન કરવામાં આવ્યું હતું.
આ ટુર્નામેન્ટમાં 6 ટીમો ભાગ લઈ રહી છે. જેમાં સેલવાસ અંડર-17, દાદરા અંડર-17, ખાનવેલ અંડર-17, નરોલી અંડર-17, દમણ અંડર-17 અને દીવ અંડર-17 ટીમનો સમાવેશ થાય છે. આ ટુર્નામેન્ટ 18મી મે થી 31મે, 2024 સુધી ચાલશે. ટુર્નામેન્ટ યોજવાનો મુખ્ય ઉદ્દેશ્ય સંઘપ્રદેશની યુવા ક્રિકેટ પ્રતિભાઓને પ્રોત્સાહિત કરવાનો છે. આ ટુર્નામેન્ટની મેચ સેલવાસના કસ્તુરી ગ્રાઉન્ડ, આલોક ગ્રાઉન્ડ અને સાયલી ક્રિકેટ ગ્રાઉન્ડમાં રમાશે. ટુર્નામેન્ટનું સમગ્ર આયોજન હવેલી ફાઉન્ડેશન, ડીએનએચ સ્પોર્ટસ ક્લબ, દમણ અને દીવ ક્રિકેટ એસોસિયેશન અને કસ્તુરી ક્રિકેટ એકેડમી દ્વારા કરવામાં આવ્યું છે.
