(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.01: નવસારી જિલ્લાના ચીખલી તાલુકાના સાદડવેલ ગામનાં રહેવાસી પંકજભાઈ પટેલ કેટલાક વર્ષોથી સેવાકીય તેમજ વર્ષોથી ‘આમ આદમી પાર્ટી’ પાર્ટીમાં રહીને જિલ્લા પ્રમુખથી લઈને પ્રદેશ લેવલ સુધી પહોંચવા માટે અનેક મુશ્કેલી સાથે મોટો પડકાર ભજવ્યો હતો. સમાજનાં હિતમાં હોઈ કે પછી કોઈ પણ મુશ્કેલીમાં હોઈ તેના માટે આંદોલન હોઈ કે ભૂખ હડતાળ જેવા આંદોલન જેવા શષા થકી સમાજને નવી રાહ ચીંધી સમાજના પડખે રહ્યા હતા. જ્યારે ટૂંકા સમયમાં આપ પાર્ટી સાથે બીટીએસ પાર્ટીએ ગઠબંધન કર્યું હતું પરંતુ કંઈક કારણસર ગઠબંધનમાં તિરાડ પડતાં આપ અને બીટીએસ પાર્ટી અલગ થઈ જતા નવસારી જિલ્લામાં બીટીએસ મોટા હોદ્દા પર રહી ચૂકેલા સાદડવેલ ગામનાં પંકજભાઈ પટેલ અને એમના સમર્થકો સાથે રાનકુવા ધોડિયા સમાજ વાડીમાં આપ પાર્ટીના નેતા ગોપાલ ઈટાલિયા દ્વારા સાદડવેલ ગામનાં પંકજભાઈ પટેલ અને એમના હજારો સમર્થ સાથે આપ પાર્ટીનું જાડુંનો ખેસ પહેરાવી વિધિવત આપ પાર્ટીમાં જોડાયા હતા. જેના ટૂંકા ગાળામાંજ આપ પાર્ટીએ ચીખલી-વાંસદા 177 વિધાનસભા મત વિસ્તારમાં ઉમેદવાર તરીકે જાહેર કરતા લોકોમાં ખુશી ફેલાઈ જવાપામી હતી. પંકજ પટેલ નવસારી જિલ્લામાં એક આંદોલનકારી તરીકે ઓળખાય રહ્યા છે અનેક લોકોના પડખે આવીને ઊભી રહે છે એવામાં આપ પાર્ટીએ વાંસદા-177 વિધાનસભામાં ટિકિટ આપતા સમાજ સાથે એમના સમર્થકોમાં પણ દિવાળી સાથે દેવ દિવાળી એમ બન્ને તહેવારનો માહોલ સર્જાયો છે ત્યારે હવે વાંસદા-177 વિધાનસભામાં ત્રિપાંખિયા જંગ ખેલાશે. કોણ કેટલા પાણીમાં છે એતો આવનારો સમય જ બતાવશે પણ હાલમાં તો ‘આપ’ પાર્ટીનું વાવાઝોડું ખૂબ ચર્ચામાં રહ્યું છે, જે કોંગ્રેસ અને ભાજપ બન્ને માટે પડકારરૂપ રહેશે તેવું લોકોમાં ચર્ચાય રહ્યું છે.
