પોલીસે કાર સાથે 8.11 લાખનો મુદ્દામાલ જપ્ત કર્યો : સુરતના આરોપી નવિન પટેલની અટક
(વર્તમાન પ્રવાહ વાપી બ્યુરો)
વાપી, તા.02: વાપી નેશનલ હાઈવે યુ.પી.એલ. બ્રિજ પાસે વાપી ઉદ્યોગનગર પોલીસે પેટ્રોલીંગ દરમિયાન સુરત તરફ જઈ રહેલી ઓઢી કારનું ચેકીંગ કરતા કારમાં દારૂનો જથ્થો મળી આવતા ચાલકની અટક કરી હતી.
પ્રાપ્ત વિગતો અનુસાર વાપી હાઈવે યુ.પી.એલ. બ્રિજ પાસે પોલીસે પેટ્રોલીંગ દરમિયાન ઓડી કાર નં.જીજે 05 આર.બી. 4422 ને અટકાવી ચેકીંગ કર્યું હતું. કાર્યવાહીમાં કારમાંથી 11 હજારનો દારૂનો જથ્થો મળી આવતા કાર ચાલક આરોપી નવિન છગન પટેલ રહે.શાંતિનગર, રો-હાઉસ પાર્ક, અડાજણ, સુરતની અટક કરી હતી. પોલીસે કાર અને દારૂનો જથ્થો મળી કુલ રૂા.8.11 લાખનો મુદ્દામાલ ઝડપી પાડી કાયદેસરની કાર્યવાહી હાથ ધરી હતી.
——
