ધ્વજવંદન સાથે આવનારા સમયમાં પક્ષને કેવી રીતે મજબુત કરવો તેનો દૃઢ નિર્ધાર કરાયો
(વર્તમાન પ્રવાહ વાપી બ્યુરો)
વાપી, તા.29 : વલસાડ જિલ્લા કોંગ્રેસ દ્વારા પક્ષના મધ્યસ્થ કાર્યાલયમાં કોંગ્રેસ પક્ષના 138મા સ્થાપના દિનની આજે ગુરૂવારે 10 કલાકે ઉજવણી કરવામાં આવીહતી. આવનારા સમયમાં પક્ષને કેવી રીતે મજબુત કરવો તેનો દૃઢ નિર્ધાર ધ્વજવંદનની સાથે કરવામાં આવ્યો હતો.
કોંગ્રેસના સ્થાપના દિનની ઉજવણીમાં વલસાડ જિલ્લા કોંગ્રેસ પ્રમુખ દિનેશભાઈ પટેલ, ઉપ પ્રમુખ ધર્મેશ ઉર્ફે ભોલા પટેલ, મહામંત્રી ગીરીશભાઈ દેસાઈ, વલસાડ તા. કોંગ્રેસ પ્રમુખ પ્રકાશ પટેલ, પારડી તા. કોંગ્રેસ પ્રમુખ રમેશ પટેલ, ઉમરગામ તા. કોંગ્રેસ પ્રમુખ ફુલજીભાઈ પટેલ, પૂર્વ સાંસદ કિશનભાઈ પટેલ સહિત પક્ષના હોદ્દેદારો અને કાર્યકરો કોંગ્રેસ સ્થાપના દિન ઉજવણી કાર્યક્રમમાં ઉપસ્થિત રહ્યા હતા. આગામી સમયે 01 જાન્યુઆરીથી 2023થી ભારત જોડો યાત્રા હાથ સે હાથ જોડો યાત્રાનું સફળ આયોજન કરવાનો નિર્ધાર કરવામાં આવ્યો હતો.