(વર્તમાન પ્રવાહ ન્યુઝ નેટવર્ક)
સેલવાસ,તા.29 : એવરેસ્ટ ગાર્ડન બંગલો, સેલવાસના પ્લોટ પરથી જીઆઈ પાઇપ 270કિલોની ચોરી થઈ હતી. આ બનાવ અંગે ગત તા.25મી ડિસેમ્બર, 2022ના રોજ ધવલસિંહ જેમલસિંહ ગોહિલ રહેવાસી સેલવાસનાએ ફરિયાદ નોંધાવી હતી. સેલવાસ પોલીસે આઇપીસીની ધારા 379, 411, 34 મુજબ ગુનો નોંધી તપાસ હાથ ધરી હતી. તપાસ દરમ્યાન આરોપી અફજલ અલી મોહમ્મદ ઈલિયાસ ગઢી (ઉ.વ.24) રફી મોહમ્મદ શાહ મોહમ્મદ ચૌધરી (ઉ.વ.31) રહેવાસી ભુરકુંડ ફળિયા સેલવાસ જેઓની 26 ડિસેમ્બરના રોજ ધરપકડ કરવામાં આવી હતી અને તેઓ પાસેથી ચોરીનો સામાન અને ઉપયોગમાં લેવામાં આવેલ ટેમ્પો નંબર ડીએન-09 કે-9652 જપ્ત કરવામાં આવ્યો હતો. આરોપીએ જે વ્યક્તિને સામાન વેચ્યો હતો તે સફીક અહમદ જહીર અહમદ શેખ (ઉ.વ.35) રહેવાસી બાવીસા ફળિયા સેલવાસ, જેની પણ 28 ડિસેમ્બરના રોજ ધરપકડ કરવામાં આવી હતી. આગળની વધુ તપાસ સેલવાસ પોલીસ કરી રહી છે.
