Vartman Pravah
ગુજરાતપારડીવલસાડવાપી

પારડી નગર પાલિકા વિસ્‍તારમાં બની રહેલ રોડમાં કોન્‍ટ્રાકટરની ક્ષતિઓ બહાર આવી

ડામર રોડ બાદ સિમેન્‍ટ જેવું કેમિકલ રોડ પર પથારાતા માર્ગ લિસો બનતા 17 થી18 જેટલા મોટર સાયકલ સવારો થયા સ્‍લીપ

(વર્તમાન પ્રવાહ ન્‍યુઝ નેટવર્ક)
પારડી, તા.04 : પારડી નગરના વિવિધ નવા રસ્‍તાઓ બનાવવાની કામગીરી નગરપાલિકા દ્વારા હાથ ધરવામાં આવી છે. ત્‍યારે સ્‍ટેટ બેંક, વાણીયાવાડ, રાણા સ્‍ટ્રીટ તરફ જતા માર્ગ ઉપર ડામર લાગ્‍યા બાદ ગતરાત્રિના સિમેન્‍ટ જેવું કેમિકલ પાથરવામાં આવતા માર્ગ લીસો બની ગયો હતો. જેને લઈ આજરોજ સવારે ત્‍યાંથી પસાર થતા વાહનચાલકો સ્‍લીપ મારી ગયા હતા.
સ્‍થાનિકોના જણાવ્‍યા પ્રમાણે સવારથી 17 થી 18 લોકો આ રસ્‍તા પરથી પસાર થતાં સ્‍લીપ મારી જઈ પટકાતા ઈજા પહોંચી હતી. છેલ્લા દસ દિવસથી આ માર્ગનું કામકાજ ચાલી રહ્યું હતું ત્‍યારે ગતરાત્રિના અગિયારી થી સ્‍ટેટ બેન્‍ક તરફના માર્ગ ઉપર સિમેન્‍ટ જેવી કેમિકલ પાથરવાથી આ માર્ગ ખૂબ જ લીસો બની ગયો હતો. જે અંગેની ફરિયાદ તેઓએ નગરપાલિકામાં કરી હતી અને આ માર્ગ ફરીથી રીપેરીંગ કરવા પાલિકા દ્વારા ખાતરી આપવામાં આવી હોવાનુંજણાવ્‍યું હતું. ત્‍યારે સવારથી આ માર્ગ ઉપરથી પસાર થતા વાહન ચાલકો તેમજ રાહદારીઓ પણ સ્‍લીપ મારી જતા આ માર્ગ સ્‍થાનિકોએ બંધ કરવાની ફરજ પડી હતી. ત્‍યારે અહીંથી નોકરિયાત વર્ગો તેમજ બેંક, જ્‍વેલર્સ, અન્‍ય દુકાનોમાં આવતા ગ્રાહકોની અવરજવર રહે છે. જેથી અન્‍ય કોઈ વાહન ચાલકોને ઈજા ન પહોંચે તે માટે સ્‍થાનિકોએ આ માર્ગ બંધ કર્યો છે. અને પાલિકા દ્વારા આ માર્ગની વહેલી તકે મરામત કરી રોડ વ્‍યવસ્‍થિત બનાવે તેવી માંગ કરી હતી.

Related posts

કપરાડાના બાલચોંડી ગામે ‘‘શ્રીમદ્‌ શિવ ભાગવત કથા”નું આયોજન માટે ધ્‍વજારોહણના કરવામાં આવ્‍યું

vartmanpravah

દાદરા નગર હવેલી અને દમણમાં હનુમાન જન્‍મોત્‍સવની ધામધૂમથી કરાયેલી ઉજવણી

vartmanpravah

વાપી ચાર રસ્‍તાથી કરવડ તેમજ ડુંગરા સુધીના 7:9 કિ.મી. ફોર લાઈન આર.સી. રોડ 68:35 કરોડના ખર્ચે બનશે

vartmanpravah

દાનહ અને દમણ-દીવના વિદ્યુત વિભાગ/નિગમનું ખાનગીકરણ : માર્કેટ વેલ્‍યુના અંદાજ સામે પ્રશ્નાર્થ

vartmanpravah

નવસારીની વૃધ્‍ધાને આર્થિક સહાય અપાવવાના બહાને ચીખલી લાવી સોનાના દાગીના ઉતરાવી જનાર મહિલાની ધરપકડ

vartmanpravah

વલસાડ જિલ્લામાં કમોસમી વરસાદથી કેરી પાકની થયેલ તારાજી અંગે નુકશાન સર્વે પૂર્ણ કરાયો

vartmanpravah

Leave a Comment