(વર્તમાન પ્રવાહ ન્યુઝ નેટવર્ક)
સેલવાસ,તા.27: સંઘપ્રદેશ દાદરા નગર હવેલી અને દમણ-દીવ શિક્ષણ વિભાગના દિશા-નિર્દેશ મુજબ સમગ્ર શિક્ષણ અંતર્ગત પ્રાથમિક શિક્ષણ વિભાગ જિલ્લાપંચાયતના સહયોગ દ્વારા બી.આર.સી. ખાનવેલના કવિતા વિજયની મુખ્ય અતિથિ તરીકેની ઉપસ્થિતિમાં પ્રાથમિક ગુજરાતી શાળા તિનોડામાં વિદ્યાર્થીનીઓ માટે માઁ-બેટી મેળાનું આયોજન કરવામાં આવ્યું હતું. બેટી અને માતાનો એક અનોખો સંબંધ છે, પ્યાર વાત્સલ્ય પર આધારિત આ માતા-બેટીના સંબંધને ઔપચારિક શિક્ષણમાં સહાયક રૂપમાં ઉપયોગ કરી વિદ્યાર્થીનીઓને શિક્ષણ પ્રત્યે સમાજમાં જાગૃતિ ફેલાવવા હેતુ સંદેશ આપવા માટે આ કાર્યક્રમ અસરકારક સાબિત થયો.
આ માઁ-બેટી મેળામાં રંગોળી સ્પર્ધા, ચિત્રકલા, આર્ટ અને ક્રાફટ, મહેંદી સ્પર્ધા સહીત વિવિધ ગતિવિધિઓનું આયોજન કરવામાં આવ્યું હતું. જેમાં દરેક વિદ્યાર્થીનીઓ અને માતાઓએ ઉત્સાહથી ભાગ લીધો હતો. આ પ્રસંગે સી.આર.સી.-આંબોલી શ્રી નેમિશ પટેલ, પી.એચ.સી.-બીન્દ્રાબિન, સી.એચ.ઓ. હેલી પટેલ સહિત શાળાની વિદ્યાર્થીનીઓ અને માતાઓ ઉપસ્થિત રહી હતા.
