(વર્તમાન પ્રવાહ ન્યુઝ નેટવર્ક)
સેલવાસ,તા.27: દાદરા નગર હવેલી અને દમણ-દીવ શિક્ષણ વિભાગ દ્વારા ‘બેટી શિક્ષા, બેટી સુરક્ષા’ અંતર્ગત ઉચ્ચતર માધ્યમિક ગુજરાતી માધ્યમ શાળા ટોકરખાડા-સેલવાસમાં સંઘપ્રદેશના સહાયક શિક્ષણ નિર્દેશક શ્રી પરિતોષભાઈ શુક્લા અનેશિક્ષણ અધિકારી શ્રી અનિલભાઈ ભોયાના હસ્તે દિકરીઓ માટે હેલ્પ ડેસ્કનો શુભારંભ કરવામાં આવ્યો હતો.
આ પ્રસંગે ‘બેટી શિક્ષા, બેટી સુરક્ષા’ માટે સહાયક શિક્ષણ નિર્દેશક શ્રી પરિતોષ શુક્લા અને શાળાના આચાર્ય શ્રીમતી મનિષાબેન પટેલે શાળાની વિદ્યાર્થીનીઓને શિક્ષણના ક્ષેત્રમાં પ્રગતિ માટે માર્ગદર્શન આપ્યું હતું.
