સતત ખડે પગે ટ્રાફિકથી લઈ અને સેવા બજાવી રહેલ જી.આર.ડી. જવાનોને જાન્યુઆરી-ફેબ્રુઆરીનો પગાર મળ્યો નથી
(વર્તમાન પ્રવાહ વાપી બ્યુરો)
વાપી, તા.15
વલસાડ જિલ્લામાં પોલીસ વિભાગમાં પોલીસની પૂરક જવાબદારી નિભાવવા માટે જી.આર.ડી. જવાનો ફરજ બજાવી રહ્યા છે. સતત ખડે પગે ફરજ બજાવી રહેલ કપરાડા-ધરમપુર વિસ્તારના જી.આર.ડી. જવાનોને છેલ્લા બે માસથી પગાર ચૂકવાયો નહીં હોવાથી તાજેતરના હોળી-ધુળેટીના તહેવારો જવાનોના બગડયા હતા.
કપરાડા-ધરમપુર વિસ્તારમાં અનેક જી.આર.ડી. જવાનો ફરજ બજાવી રહ્યા છે. વી.આઈ.પી.ની મુલાકાત હોય કે ટ્રાફિકની જવાબદારી હોય જી.આર.ડી. જવાનો સમય જોયાસિવાય તડકામાં પણ આ બદલ ફરજ બજાવી રહ્યા છે. તેવા જવાનોને જાન્યુઆરી-ફેબ્રુઆરી માસનો પગાર મળ્યો નથી તેથી અનેક આર્થિક મુશ્કેલીઓનો જવાનો સામનો કરી રહ્યા છે. હાલ વગર પગારે પણ ફરજ નિષ્ઠા અદા કરી છે ત્યારે જવાનોને પોલીસ વડા પગારની તજવીજ હાથ ધરે તેવી લાગણી પ્રવર્તી રહી છે. જવાનો પરિવારના મહેણાં ટોણાનો પણ સામનો કરવાનો કપરો સમય વિતાવી રહ્યા છે.
